Divisional Secretariat - Arayampathy

சமூக சேவை திணைக்களத்தினால் மேற்கொள்ளப்படும் நடமாடும் சேவை மண்முனைப்பற்று பிரதேச செயலக பிரிவில் 2023.09.23 ஆம் திகதி சனிக்கிழமை மு.ப 9.00 மணி தொடக்கம் மட்/மட்/ மாவிலங்கதுறை விக்னேஸ்வரா வித்தியாலயத்தில் நடைபெற்றது.

இதன் போது பிரதேச செயலகம் சார்ந்த சமூக சேவை தொடர்பான சேவைகள், சமுர்த்தி கொடுப்பனவு தொடர்பான சேவைகள், காணி உரிமம் தொடர்பான சேவைகள், பிறப்பு, இறப்பு மற்றும் திருமணப் பதிவு தொடர்பான சேவைகள், தேசிய அடையாள அட்டை தொடர்பான சேவைகள், சிறுவர், பெண்கள் மற்றும் முன்பருவபிள்ளைகள் தொடர்பான சேவைகள், சுகாதார வைத்திய அலுவலகம் சார்ந்த சேவைகள், சுதேச மருத்துவ சேவைகள், ஆயுள்வேத வைத்தியம் தொடர்பான சேவைகள் போன்றன வழங்கப்பட்டிருந்தமை குறிப்பிடத்தக்கது.

எதிர்வரும் 2023.09.26 ஆம் திகதி செவ்வாய்கிழமை மு.ப 9.00 மணிக்கு எமது பிரதேச செயலகத்தில் இடம்பெறவுள்ள இரத்த தான முகாமில் கலந்து கொண்டு உயிரைக் காக்க உதிரம் கொடுக்க முன்வருமாறு அழைக்கின்றோம்.

Blood Donation Campaign 2023.09.26

நிரற்படுத்தும் உத்தியோகத்தர்களுக்கான பயிற்சி வகுப்பு

மண்முனைப்பற்று பிரதேச செயலகத்தில் இலங்கையின் 15 ஆவது குடிசன வீட்டுவசதிகள் தொகைமதிப்பு தொடர்பான பயிற்சி வகுப்பானது 2023.09.14 ஆம் திகதி வியாழக்கிழமை பிரதேச செயலக நிரற்படுத்தும் உத்தியோகத்தர்களுக்கு பிரதேச செயலக மாநாட்டு மண்டபத்தில் பிரதேச செயலாளர் திருமதி. ந.சத்தியானந்தி அவர்களின் தலைமையில் ஆரம்பித்து வைக்கப்பட்டது.

இந்நிகழ்வில் புள்ளி விபரவியலாளரும் பிரதி தொகை மதிப்பு அத்தியட்சகருமான T.ஜெய்த்தனன் மற்றும் பிரதேச செயலக பிரதி திட்டமிடல் பணிப்பாளர், நிர்வாக உத்தியோகத்தர், மேற்பார்வை உத்தியோகத்தர்கள், வட்டத்திற்கு பொறுப்பான உத்தியோகத்தர்கள், நிரற்படுத்தும் உத்தியோகத்தர்கள் கலந்து கொண்டிருந்ததுடன் இப்பயிற்சி நிகழ்வானது 2023.09.14 ஆம் திகதி தொடக்கம் 2023.09.16 ஆம் திகதி வரை 03 நாட்கள் தொடர்ச்சியாக இடம்பெற்றமை குறிப்பிடத்தக்கது.

மண்முனைப்பற்று பிரதேச செயலகம், கடல்சார் சூழல் பாதுகாப்பு அதிகாரசபை மற்றும் கரையோர பாதுகாப்பு மற்றும் கரையோர வளங்கள் முகாமைத்துவ திணைக்களம் ஆகியவற்றின் ஏற்பாட்டில் சர்வதேச கரையோர பாதுகாப்பு மற்றும் தூய்மைப்படுத்தல் நிகழ்வு 2023.09.21 ஆம் திகதி வியாழக்கிழமை மு.ப 7.00 மணிக்கு புதுக்குடியிருப்பு கடற்கரையில் மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் இடம்பெற்றது.

இந்நிகழ்வில் புதுக்குடியிருப்பு, புதுக்குடியிருப்பு வடக்கு மற்றும் புதுக்குடியிருப்பு தெற்கு ஆகிய கிராம உத்தியோகத்தர் பிரிவில் கடமை புரியும் கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள், சமூகமட்ட குழுக்கள் மற்றும் பொதுமக்கள் என 300 இற்கும் மேற்பட்டோர் பங்குபற்றியிருந்தமை குறிப்பிடத்தக்கது.