பிளாஸ்ரிக் கழிவு முகாமைத்துவ தினம் மற்றும் சர்வதேச சுற்றாடல் தினக்கொண்டாட்டம் - 2023.06.05

பிளாஸ்ரிக் கழிவு முகாமைத்துவ தினம் மற்றும் சர்வதேச சுற்றாடல் தினக் கொண்டாட்டத்தினை முன்னிட்டு 2023.06.05 ஆம் திகதி செவ்வாய்கிழமை சிறுவர் கழகங்களுக்கிடையிலான சித்திரப்போட்டி மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் இடம்பெற்றது. இப்போட்டி நிகழ்வில் 58 சிறார்கள் பங்குபற்றியிருந்ததுடன் இதில் வெற்றியீட்டிய சிறார்கள் மற்றும் "வளி மாசடைதலும் அதன் தாக்கமும்" எனும் தலைப்பில் 2023.05.31 ஆம் திகதி அறநெறிப் பாடசாலை மாணவர்களுக்கிடையே நடாத்தப்பட்ட கட்டுரைப் போட்டியில் வெற்றியீட்டிய சிறார்களுக்கு சான்றிதழ்களும் பங்கு பற்றிய ஏனைய அனைத்து சிறார்களுக்கு பரிசுப் பொதிகளும் வழங்கி வைக்கப்பட்டிருந்தமை குறிப்பிடத்தக்கது.

நீர் மூலாதாரங்களை பாதுகாக்கும் தினம் - 2023.06.03

நீர் மூலாதாரங்களை பாதுகாக்கும் தினத்தினை முன்னிட்டு 2023.06.03 ஆம் திகதி சனிக்கிழமை காங்கேயனோடை வாவி பகுதியில் சிரமதான நிகழ்வு இடம்பெற்றது. இந்நிகழ்வு பிரதேச சுற்றாடல் உத்தியோகத்தர், கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள், மீன்பிடி போதனாசிரியர், மீன்பிடிச்சங்கங்கள் மற்றும் பொதுமக்களின் பங்குபற்றுதலுடன் இடம்பெற்றிருந்தமை குறிப்பிடத்தக்கது.

பேண்தகு காணி முகாமைத்துவ தினம் - 2023.06.04

பேண்தகு காணி முகாமைத்துவ தினத்தினை முன்னிட்டு 2023.06.04 ஆம் திகதி ஞாயிற்றுக்கிழமை கிரான்குளம் தொடக்கம் செல்வாநகர் கிழக்கு வரையான கரையோர பகுதிகளில் கடற்கரையோரம் சுத்தப்படுத்தல் நிகழ்வு இடம்பெற்றது. இந்நிகழ்வு கரையோரம் பேணல் உத்தியோகத்தர், கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள், மீன்பிடி போதனாசிரியர், மீன்பிடிச்சங்கங்கள் மற்றும் பொதுமக்களின் பங்குபற்றுதலுடன் இடம்பெற்றிருந்தமை குறிப்பிடத்தக்கது.

உயிர்ப்பல்வகைமை பாதுகாப்பு தினம் - 2023.06.02

உயிர்ப்பல்வகைமை பாதுகாப்பு தினத்தினை முன்னிட்டு 2023.06.02 ஆம் திகதி வெள்ளிக்கிழமையன்று மண்முனைப்பற்று பிரதேச செயலகப் பிரிவிற்குட்பட்ட கிரான்குளம் தெற்கு கிராம உத்தியோகத்தர் பிரிவில் ஏத்தாழைக் குளம் சுத்தப்படுத்தல் மற்றும் விழிப்புணர்வு நிகழ்வு இடம்பெற்றதுடன் அப்பகுதிக்குரிய மாதர் கிராம அபிவிருத்தி சங்கம், விளையாட்டு கழகங்கள் மற்றும் பிரதேச வாழ் மக்களினால் சிரமதான நிகழ்வும் மேற்கொள்ளப்பட்டமை குறிப்பிடத்தக்கது.