Divisional Secretariat - Arayampathy

 
சர்வதேச மகளிர் தினத்தை முன்னிட்டு மண்முனைப்பற்று பிரதேச செயலகப் பிரிவில் சௌபாக்கியா விசேட வீட்டுத்திட்டம் மற்றும் சமுர்த்தி லொத்தர் வீட்டுத்திட்டங்களை பயனாளிகளுக்கு கையளிக்கும் நிகழ்வு 2023.03.14 ஆம் திகதி செவ்வாய்கிழமை அன்று மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் நடைபெற்றது.

இந்நிகழ்வில் மட்டக்களப்பு மாவட்ட சமுர்த்தி பணிப்பாளர் திரு. S.புவனேந்திரன், சமுர்த்தி முகாமைத்துவ பணிப்பாளர் திருமதி. P.கலைவாணி, மண்முனைப்பற்று பிரதேச செயலக பிரதி திட்டமிடல் பணிப்பாளர் திருமதி. M.ஜெயசந்திரன், சமுர்த்தி தலைமையக முகாமையாளர் திருமதி. S.F.R.பரீட், சமுர்த்தி முகாமையாளர்கள், சமுர்த்தி அபிவிருத்தி உத்தியோகத்தர்கள் ஆகியோர் கலந்து கொண்டிருந்ததுடன் சௌபாக்கியா விசேட வீட்டுத்திட்டம் மற்றும் சமுர்த்தி லொத்தர் வீட்டுத்திட்டங்கள் புதுக்குடியிருப்பு, இராஜதுரைக்கிராமம் மற்றும் செல்வாநகர் கிழக்கு கிராம உத்தியோகத்தர் பிரிவுகளைச் சேர்ந்த பயனாளிகளுக்கு கையளிக்கப்பட்டிருந்தமை குறிப்பிடத்தக்கது.
 

மண்முனைப்பற்று பிரதேச செயலகப் பிரிவிற்குட்பட்ட வருமானம் குறைந்த குடும்பங்களுக்கு அரிசி வழங்கும் வேலைத்திட்டம் 2023.03.26 ஆம் திகதி ஞாயிற்றுக்கிழமை மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் கிரான்குளம் தெற்கு கிராம உத்தியோகத்தர் பிரிவில் ஆரம்பித்து வைக்கப்பட்டிருந்தது. குறித்த வேலைத்திட்டத்தின் கீழ் 9301 குடும்பங்களுக்கு மாதமொன்றுக்கு தலா 10kg அரிசி வீதம் March மற்றும் April மாதங்களுக்கான அரிசி வழங்கி வைக்கப்பட்டிருந்தது.

இந்நிகழ்வில் மட்டக்களப்பு மாவட்ட சமுர்த்தி பணிப்பாளர் திரு. S.புவனேந்திரன், மண்முனைப்பற்று பிரதேச செயலக பிரதி திட்டமிடல் பணிப்பாளர் திருமதி. M.ஜெயசந்திரன், தாளங்குடா வலய சமுர்த்தி முகாமையாளர் திரு. U.சம்சுதீன், கிரான்குளம் தெற்கு கிராம உத்தியோகத்தர், பொருளாதார அபிவிருத்தி உத்தியோகத்தர், சமுர்த்தி அபிவிருத்தி உத்தியோகத்தர் மற்றும் பயனாளிகள் கலந்து கொண்டிருந்தமை குறிப்பிடத்தக்கது.

பிரதேச செயலக பொங்கல் விழா 2023.02.17 ஆம் திகதி வெள்ளிக்கிழமை பிரதேச செயலாளர் திருமதி. ந.சத்தியானந்தி அவர்களின் தலைமையில் பிரதேச செயலக வளாகத்தில் இடம்பெற்றது. இதன் போது அனைத்து உத்தியோகத்தர்களின் பங்குபற்றுதலுடன் கிளைகள் ரீதியான பொங்கல் போட்டி நிகழ்வு மற்றும் சிறப்பு பட்டிமன்ற நிகழ்வுகள் என்பன இடம்பெற்றிருந்தன.

கிளைகள் ரீதியாக இராசவள்ளிக்கிழங்கு பொங்கல், முந்திரிப் பொங்கல், மிளகுப் பொங்கல், எள்ளுப் பொங்கல், பசும்பால் பொங்கல், மரவள்ளிக்கிழங்குப் பொங்கல், நெய்ப் பொங்கல், பழப் பொங்கல், மரக்கறிப் பொங்கல், பருப்புவகைப் பொங்கல் போன்ற பொங்கல் வகைகளுடன் கலாசாரப் பிரிவினால் பிரதான பொங்கல் ஆலய வளாகத்தில் பிரதேச செயலாளரின் தலைமையில் இடம்பெற்றது.

அத்துடன் ஆலயத்தில் பூசை வழிபாடுகள் இடம்பெற்றதனைத் தொடர்ந்து பாரம்பரியத்தை போற்றுபவர்கள் பெண்களா? ஆண்களா? எனும் தலைப்பில் சிறப்பு பட்டிமன்றம் நடைபெற்றது. தொடர்ந்து கிளைகள் ரீதியாக இடம்பெற்ற பொங்கல் போட்டியில் வெற்றி பெற்ற கிளைகளுக்கான பரிசில்கள் வழங்கி வைக்கப்பட்டிருந்தமை குறிப்பிடத்தக்கது.

"டிஜிட்டல்: பாலின சமத்துவத்திற்கான புதுமை மற்றும் தொழில்நுட்பம்" எனும் தொனிப்பொருளில் (DigitALL: Innovation and Technology for Gender Equality) மகளிர் தின நிகழ்வானது மண்முனைப்பற்று சிறுவர் பெண்கள் பிரிவின் ஏற்பாட்டில் பிரதேச செயலாளர் திருமதி.ந.சத்தியானந்தி அவர்களின் தலைமையில் 08.03.2023 ஆம் திகதி புதன்கிழமை மண்முனைப்பற்று பிரதேச செயலக வளாகத்தில் இடம்பெற்றது. இந்நிகழ்வில் காலை நிகழ்வுகளாக மகளிர் சங்கங்களின் உற்பத்திப் பொருட்களின் கண்காட்சியும் விற்பனையும், சூரியா பெண்கள் அமைப்பினால் வீதி நாடகமும் நடைபெற்றதுடன் இந்நிகழ்வில் உற்பத்திப் பொருட்களின் கண்காட்சி விற்பனையில் பற்கேற்ற மகளிர் சங்க உறுப்பினர்களுக்கு பாராட்டுப் பத்திரம் வழங்கி கௌரவிக்கப்பட்டது. ஒவ்வொரு கிராம உத்தியோகத்தர் பிரிவுகளிலிருந்தும் மகளிர் சங்க உறுப்பினர்கள் இருவருக்கு தலா 5 வாழைக்கன்றுகள், 5 மாதுளங்கன்றுகள் வீதம் வழங்கி அவர்களது வீடுகளில் நடுகை செய்யப்பட்டது. கோவில்குளம் கிராம உத்தியோகத்தர் பிரிவில் நடைபெற்ற மரநடுகை வைபவத்தில் பிரதேச செயலாளர், உதவி பிரதேச செயலாளர், மற்றும் பிரதி திட்டமிடல் பணிப்பாளர் ஆகியோர் அதிதிகளாக கலந்து கொண்டனர். மேலும் அலுவலக உத்தியோகத்தர்களுக்கான மற்றுமொரு மகளிர் தின நிகழ்வு பிற்பகல் 2.30 மணிக்கு இடம்பெற்றது. இந்நிகழ்வில் உத்தியோகத்தர்களின் கலை நிகழ்வுகளும், விளையாட்டு நிகழ்வுகளும் நடைபெற்றமை குறிப்பிடத்தக்கது.

WhatsApp Image 2023 03 08 at 18.13.50 2 1024x576

WhatsApp Image 2023 03 08 at 18.13.50 1 1024x576

WhatsApp Image 2023 03 08 at 18.15.25 3 1024x576

WhatsApp Image 2023 03 08 at 18.15.25 2 1024x576

WhatsApp Image 2023 03 08 at 18.16.37 11 1024x576

WhatsApp Image 2023 03 08 at 18.17.49 5 1024x576

WhatsApp Image 2023 03 08 at 18.21.58 7 1024x576

சமூக நலன்புரி நன்மைகள் பெற்றுக் கொள்ள தகுதியானவர்களை அடையாளம் காணல்

நலன்புரி நன்மைகள் கொடுப்பனவுகளை பெற்றுக் கொள்ளத் தகுதியான நபர்களை அல்லது குடும்பங்களை தெரிவு செய்வதற்கான கள ஆய்வு தற்போது ஆரம்பிக்கப்பட்டுள்ளது. இதற்காக விண்ணப்பித்தவர்களின் வீடுகளுக்கு கணக்கெடுப்பு உத்தியோகத்தர்கள் வருகை தரவுள்ளனர். அவ்வாறு வருகை தரும் போது பின்வரும் ஆவணங்களை தயார் நிலையில் வைத்துக்கொள்ளுமாறும் கணக்கெடுப்பிற்கு தேவைப்படும் தகவல்களை வழங்கி அவர்களுக்கான பூரண ஒத்துழைப்பினை வழங்குமாறும் கேட்டுக் கொள்கின்றோம்.

அடையாள அட்டை
வங்கிக்கணக்கு புத்தகம்
மின்சாரப்பட்டியல், நீர்ப்பட்டியல்
சமுர்த்தி கணக்கு புத்தகம் இருப்பின்
பொதுசன மாதாந்த உதவிப்பண அட்டை இருப்பின்
முதியோர் கொடுப்பனவு அட்டை இருப்பின்