மண்முனைப்பற்று பிரதேச செயலகம் நடாத்தும் சிறுவர் தினம் மற்றும் முதியோர் வார நிகழ்வு 2023.10.04 ஆம் திகதி புதன்கிழமை இன்று மு.ப 9.30 மணிக்கு மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் நடைபெற்றது.

"எல்லாவற்றையும் விட பிள்ளைகள் பெறுமதியானவர்கள்" மற்றும் "மாறிவரும் உலகிற்கேற்ப முதியோர் தம்மை தயார்படுத்திக் கொள்ளல்" எனும் தொனிப்பொருள்களுக்கு அமைவாக நடைபெற்ற இந்நிகழ்வில் பிரதம அதிதியாக திருமதி. சு.ஸ்ரீகாந்த், மேலதிக மாவட்ட செயலாளர், மாவட்ட செயலகம், மட்டக்களப்பு அவர்களும் சிறப்பு அதிதிகளாக திரு. சி.புவனேந்திரன், மாவட்ட பணிப்பாளர், சமுர்த்தி திணைக்களம், மட்டக்களப்பு, Dr. சாபீர், வைத்திய அதிகாரி, சித்த ஆயுர்வேத ஆதார வைத்தியசாலை, மட்டக்களப்பு, திரு. வே.குணராஜசேகரம், பொறுப்பு வைத்திய அதிகாரி, பிரதேச வைத்தியசாலை, ஆரையம்பதி, திரு. யோ.சர்வேஸ்வரன், செயலாளர், பிரதேச சபை, ஆரையம்பதி ஆகியோரும் கௌரவ அதிதிகளாக சி.தங்கவடிவேல், தலைவர், பிரதேச மட்ட முதியோர் சம்மேளனம், மண்முனைப்பற்று, சி.தேவரூபன், தலைவர், பிரதேச சிறுவர் சபை, மண்முனைப்பற்று ஆகியோர் கலந்து கொண்டிருந்ததுடன் மண்முனைப்பற்று பிரதேச செயலக உதவி பிரதேச செயலாளர், உதவி திட்டமிடல் பணிப்பாளர், கணக்காளர் உட்பட பிரதேச செயலக உத்தியோகத்தர்கள், பாடசாலை மாணவர்கள், ஆசிரியர்கள், சிறார்கள், முதியோர்கள், பெற்றோர்கள் என பலரும் கலந்து சிறப்பித்திருந்ததுடன் இந்நிகழ்வில் பங்குபற்றிய சிறார்களுக்கு பரிசில்கள் வழங்கப்பட்டிருந்தமை குறிப்பிடத்தக்கது.

மண்முனைப்பற்று பிரதேச செயலக கலாசார பேரவையின் ஆலோசனையில் கைறாத் கலைக்கழகத்தினால் ஏற்பாடு செய்யப்பட்ட மீலாத் வசந்தம் நிகழ்வு ஆரையம்பதி கிழக்கு கிராம உத்தியோகத்தர் பிரிவில் அமைந்துள்ள மன்பஉல் கைறாத் ஜும்ஆ பள்ளிவாயலில் 2023.09.25 ஆம் திகதி திங்கட்கிழமை அன்று பி.ப 4.30 மணிக்கு சிறப்பான முறையில் இடம்பெற்றது.

கைறாத் கலை கலாசார மன்ற தலைவர் ஜனாப் M.I.M.நஷீம் அவர்களின் தலைமையில் இடம்பெற்ற இந்நிகழ்விற்கு மண்முனைப்பற்று பிரதேச செயலாளர் திருமதி. ந.சத்தியானந்தி அவர்கள் பிரதம அதிதியாக கலந்து சிறப்பித்ததுடன் உதவி பிரதேச செயலாளர் திருமதி. லோகினி விவேகானந்தராஜ், மாவட்ட கலாசார ஒருங்கிணைப்பாளர் திரு. த.மலர்ச்செல்வன், கலாசார உத்தியோகத்தர் திருமதி. ராதிகா கருணாகரன், கலாசார அபிவிருத்தி உத்தியோகத்தர் ஜனாப் A.L முசாதிக், கைறாத் கலைக்கழக உறுப்பினர்கள், கலைஞர்கள், மாணவர்கள் எனப்பலர் கலந்து சிறப்பித்தனர்.

இந்நிகழ்வில் முஸ்லிம் பாரம்பரிய நிகழ்வுகளுடன் கவிதை, பாடல், பேச்சு போன்ற கலை நிகழ்வுகளும் இடம்பெற்றன. இந்நிகழ்வை பிரதேச கலாசார பேரவை மற்றும் கலாசார பிரிவு உத்தியோகத்தர்கள் ஒருங்கிணைப்பு செய்திருந்தமை குறிப்பிடத்தக்கது.

மண்முனைப்பற்று பிரதேச செயலக வருடாந்த ஒன்றுகூடல் நிகழ்விற்கான பிரபல உத்தியோகத்தர் தெரிவிற்கான தேர்தல் 2023.10.03 ஆம் திகதி செவ்வாய்கிழமை இன்று மு.ப 9.30 தொடக்கம் பி.ப 1.00 மணி வரையான காலப்பகுதியில் பிரதேச செயலக மண்டபத்தில் நடைபெற்றது.

குறித்த தேர்தலில் 02 பெண் வேட்பாளர்கள் மற்றும் 01 ஆண் வேட்பாளர் உட்பட மூவர் போட்டியிட்டிருந்தனர். வெற்றியீட்டிய பிரபல உத்தியோகத்தரிற்கான கௌரவிப்பு நிகழ்வு எதிர்வரும் வருடாந்த ஒன்றுகூடலின் போது இடம்பெறவுள்ளமை குறிப்பிடத்தக்கது.

மண்முனைப்பற்று பிரதேச செயலகத்தின் ஏற்பாட்டில் மட்டக்களப்பு போதனா வைத்தியசாலையின் இரத்த வங்கி அனுசரணையுடன் இரத்த தான நிகழ்வானது 2023.09.26 ஆம் திகதி செவ்வாய்கிழமை மு.ப 9.00 மணி தொடக்கம் பிரதேச செயலக மாநாட்டு மண்டபத்தில் பிரதேச செயலாளர் திருமதி.ந.சத்தியானந்தி அவர்களின் தலைமையில் இடம்பெற்றது.

இந்நிகழ்வில் பிரதேச செயலக உத்தியோகத்தர்கள், இளைஞர்கள் மற்றும் பொது மக்கள் என பலரும் கலந்து கொண்டு உயிர் காக்க உதிரம் கொடுத்து இந்நிகழ்வில் பங்குபற்றியிருந்தமை குறிப்பிடத்தக்கது.