Divisional Secretariat - Arayampathy

இலஞ்சம் மற்றும் ஊழலை இல்லாது ஒழிப்பதற்கான தேசிய வாரத்தினை முன்னிட்டு மண்முனைப்பற்று பிரதேச செயலாளர் திருமதி. N. சத்தியானந்தி அவர்களின் வழிகாட்டுதலின் கீழ் மண்முனைப்பற்று பிரதேச செயலக பிரிவிற்குட்பட்ட பொதுமக்களுக்கான விழிப்புணர்வு நிகழ்வு 2023.12.14 ஆம் திகதி வியாழக்கிழமை அன்று உதவி பிரதேச செயலாளர் திருமதி. L. விவேகானந்தராஜ் அவர்களின் தலைமையில் இடம்பெற்றது. இதன் போது கிராம அபிவிருத்தி சங்க உறுப்பினர்கள், மாதர் கிராம அபிவிருத்தி சங்க உறுப்பினர்கள், பொது மக்கள் எனப்பலரும் கலந்து கொண்டிருந்தமை குறிப்பிடத்தக்கது.

இதன் போது பொது மக்களுக்கு விழிப்புணர்வை ஏற்படுத்தும் நோக்கில் பிரதேச செயலக வளாகத்தினுள் இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவின் துரித எண் (Hotline) குறிப்பிடப்பட்ட பதாதைகள் கிளைகள் ரீதியாக காட்சிப்படுத்தப்பட்டிருந்தமை குறிப்பிடத்தக்கது.
 

இந்து சமய கலாசார அலுவல்கள் திணைக்களமும் மண்முனைப்பற்று பிரதேச செயலகமும் மாவிலங்கத்துறை ஸ்ரீ சித்திவிநாயகர் ஆலயமும் மாவிலங்கத்துறை ஸ்ரீ சித்தி விநாயகர் அறநெறிப் பாடசாலையும் இணைந்து நடத்திய தெய்வீக கிராம நிகழ்வானது 17.12.2023 ஆம் திகதி ஞாயிற்றுக்கிழமை மு.ப 9.30 மணிக்கு மாவிலங்கத்துறை ஸ்ரீ சித்தி விநாயகர் ஆலய முன்றலில் பிரதேச செயலாளர் திருமதி. ந.சத்தியானந்தி அவர்களின் தலைமையில் சிறப்பான முறையில் இடம்பெற்றது.

இந்நிகழ்வில் மண்முனைப்பற்று பிரதேச அறநெறி பாடசாலை மாணவர்களின் ஊர்வலம், கோமாதா பூசை, மரநடுகை நிகழ்வு, சைவப்புலவர் J.கஜேந்திரா அவர்களின் சிறப்பு சொற்பொழிவு, பாடசாலை மாணவர்களின் கலைநிகழ்வுகள் எனப்பல நிகழ்வுகள் இந்நிகழ்வை அலங்கரித்தன.

தொடர்ந்து அறநெறி பாடசாலைகளுக்கிடையில் நடைபெற்ற ஆக்கத்திறன் போட்டியில் பிரதேச ரீதியில் வெற்றி பெற்ற மாணவர்களுக்கு பரிசுப் பொருட்கள் வழங்கப்பட்டதுடன் இறுதியில் நிகழ்வில் பங்குபற்றிய அனைவருக்கும் அன்னதானம் வழங்கும் நிகழ்வும் இடம்பெற்றது.

இந்நிகழ்வை கலாசார பிரிவு உத்தியோகத்தர்கள் ஒழுங்குபடுத்தியமை குறிப்பிடத்தக்கது.

2023.12.11 01

வாசிப்போம் அனுபவிப்போம் என்ற தொனிப் பொருளில் 2023.12.11 ஆம் திகதி திங்கட்கிழமை மட்/மாவிலங்கத்துறை விக்னேஸ்வரா வித்தியாலயத்தில் மதிப்புக்குரிய பிரதேச செயலாளர் அவர்களின் வழிகாட்டலின் கீழ் இந்நிகழ்வு நடாத்தப்பட்டது. இந்நிகழ்வில் கலாசார பிரிவு உத்தியோகத்தர்களின் பங்குபற்றலுடன், மாணவர்களின் வாசிப்பை ஊக்குவிக்கும் நிகழ்வுகளும் நடைபெற்றதுடன் பங்கு பற்றிய மாணவர்களுக்கு பரிசுப் பொருட்களும் வழங்கி வைக்கப்பட்டது.

2023.12.11 02

2023.12.11 03

2023.12.11 04

உத்தியோகத்தர்களின் மன அழுத்தங்களை போக்கி அனைவரும் மகிழ்ச்சியான முறையில் தங்களது கடமைகளை நிறைவேற்றும் வகையில் பிரதேச செயலாளரின் ஆலோசனைக்கும் வழிகாட்டலுக்கும் அமைய இசையும் இரசனையும் நிகழ்வானது 2023.12.11 ஆம் திகதி திங்கட்கிழமை அன்று பிற்பகல் பிரதேச செயலாளர் திருமதி. ந.சத்தியானந்தி அவர்களின் தலைமையில் பிரதேச செயலக மாநாட்டு மண்டபத்தில் இடம்பெற்றது.

இந்நிகழ்வில் மண்முனைப்பற்று பிரதேசத்தின் மூத்த கலைஞரும், கண்டி வெல்வூட் நுண்கலைக் கல்லூரியின் சிரேஷ்ட விரிவுரையாளராகவும் இலங்கை கலைக்கழகத்தின் நீண்டகால நிறைவேற்று அதிகார உறுப்பினராகவும் இலங்கை வானொலி மற்றும் ரூபவாஹினியில் பாடகராகவும் கடமையாற்றி ஓய்வு பெற்ற பாடகர் சங்கீதவேதி, கலைவாணன் திரு. விஸ்வநாதன் சதானந்தம் அவர்கள் வளவாளராக கலந்து சிறப்பித்தார்.

இசையானது எவ்வாறு ஒரு மனிதனை ஆட்கொள்கின்றது என்பதனை பல தத்துவ பாடல்களூடாகவும் கதைகளினூடாகவும் தனது கருத்துக்களை சிறப்பான முறையில் வழங்கினார். இந் நிகழ்வில் பிரதேச செயலக உத்தியோகத்தர்களின் பாடல்களும் இடம்பெற்றது. இந் நிகழ்வினை பிரதேச செயலக கலாசார பிரிவு உத்தியோகத்தர்கள் ஒருங்கிணைப்பு செய்தமை குறிப்பிடத்தக்கது.

மண்முனைப்பற்று பிரதேச செயலகம், கலாசார அதிகார சபை மற்றும் கலாசார பேரவை இணைந்து நடத்திய பிரதேச இலக்கிய விழா 2023.11.23 ஆம் திகதி வியாழக்கிழமை பி.ப 2.30 மணிக்கு மட்/மட்/ புதுக்குடியிருப்பு கண்ணகி மகா வித்தியாலய "கண்ணகி அரங்கு" ஒன்று கூடல் மண்டபத்தில் மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் சிறப்பாக இடம்பெற்றது.

இந்நிகழ்வில் பிரதம அதிதியாக கிழக்கு பல்கலைக்கழக கலை கலாசார பீடாதிபதி கலாநிதி வ.குணபாலசிங்கம் அவர்கள் கலந்துகொண்டிருந்ததுடன் மாணவர்களால் கிராமிய நடனம் ஆடப்பட்டு சம்பிரதாய பூர்வமாக அதிதிகள் வரவேற்கப்பட்டனர்.

தொடர்ந்து கதிரவன் பட்டிமன்றத்தின் 120 ஆவது பட்டிமன்றம், மாணவர்களின் கிராமிய நடனம், கதைகூறல், தனிஇசை, கிராமிய இசை எனப் பல நிகழ்வுகளும் பிரதேச இலக்கிய விழா போட்டியில் பாடசாலை மற்றும் திறந்த பிரிவுகளில் வெற்றி பெற்ற மாணவர்கள், கலைஞர்களுக்கான பரிசளிப்பு நிகழ்வும் இடம்பெற்றமை குறிப்பிடத்தக்கது.