Divisional Secretariat - Arayampathy

2024.09.11 Blood Donation Banner

எதிர்வரும் 2024.09.11 ஆம் திகதி புதன்கிழமை மு.ப 9.00 மணிக்கு எமது பிரதேச செயலகத்தில் இடம்பெறவுள்ள இரத்த தான முகாமில் கலந்து கொண்டு உயிரைக் காக்க உதிரம் கொடுக்க முன்வருமாறு அழைக்கின்றோம்.

சர்வதேச புகைத்தல் மற்றும் மது எதிர்ப்பு தினத்தை முன்னிட்டு ஆரையம்பதி கிழக்கு கிராம உத்தியோகத்தர் பிரிவு விபுலானந்தா சமுர்த்தி சமுதாய அடிப்படை அமைப்பின் ஏற்பாட்டில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் 2024.05.31 ஆம் திகதி வெள்ளிக்கிழமை இன்று மு.ப 9.30 மணிக்கு மண்முனைப்பற்று பிரதேச செயலகத்தில் சமுர்த்தி கொடி தின நிதி சேகரிப்பு நிகழ்வு ஆரம்பித்து வைக்கப்பட்டது.

இந்நிகழ்வில் மண்முனைப்பற்று பிரதேச செயலக கணக்காளர், நிர்வாக உத்தியோகத்தர், சமுர்த்தி தலைமையக முகாமையாளர், ஆரையம்பதி சமுர்த்தி வங்கி முகாமையாளர், சமுர்த்தி அபிவிருத்தி உத்தியோகத்தர்கள் மற்றும் பிரதேச செயலக உத்தியோகத்தர்கள் கலந்து கொண்டிருந்தமை குறிப்பிடத்தக்கது.

மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் தரம் 5ம் ஆண்டு மாணவர்களுக்கான புலமைப்பரிசில் கருத்தரங்கு 29.06.2024 ஆந் திகதி பிரதேச செயலக மாநாட்டு மண்டபத்தில் நடை பெற்றது. இந்நிகழ்வில் வளவாளரான வி. சந்திரசேகரம் (ISA), சமுர்த்தி தலைமையக முகாமையாளர், கருத்திட்ட முகாமையாளர், சமுர்த்தி சமூக சேவை உதவியாளர், NDDCB உத்தியோகத்தர், சந்தைப்படுத்தல் அபிவிருத்தி உத்தியோகத்தர் மற்றும் மாணவர்களும் கலந்து கொண்டமை குறிப்பிடத்தக்கது.

2024.06.29 Picture

கிரான்குளம் மத்தி கிராம உத்தியோகத்தர் பிரிவைச் சேர்ந்த பயனாளி ஒருவருக்கு சமுர்த்தி லொத்தர் மூலம் கிடைக்கப் பெற்ற நிதியினைக் கொண்டு கொள்வனவு செய்யப்பட்ட காணிக்கான உறுதிப் பத்திரம் 2024.07.08 ஆம் திகதி திங்கட்கிழமை அன்று மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களினால் வழங்கி வைக்கப்பட்டது.

2024.07.08 Capture

சித்திரை புத்தாண்டை முன்னிட்டு தாழங்குடா வாழ்வின் எழுச்சி சமுர்த்தி சமுதாய அடிப்படை வங்கி நடாத்தும் புத்தாண்டு விளையாட்டு விழா 2024.04.21 ஆம் திகதி ஞாயிற்றுக்கிழமை பி.ப 2.30 மணிக்கு தாழங்குடா சமுர்த்தி வங்கி முகாமையாளர் U.சம்சுதீன் அவர்களது தலைமையில் கிரான்குளம் தெற்கு தர்மபுரம் ஆலையடி பிள்ளையார் ஆலய முன்றலில் ஆரம்பித்து வைக்கப்பட்டது.

இந்நிகழ்வில் சிறப்பு அதிதியாக மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்கள் கலந்து கொண்டிருந்ததுடன் சமுர்த்தி முகாமைத்துவ பணிப்பாளர், சமுர்த்தி செயற்திட்ட முகாமையாளர், தாழங்குடா சமுர்த்தி வங்கி முகாமையாளர், சமுர்த்தி அபிவிருத்தி உத்தியோகத்தர்கள், பிரதேச செயலக உத்தியோகத்தர்கள் மற்றும் பொதுமக்கள் எனப் பலரும் கலந்து கொண்டிருந்ததுடன் விளையாட்டு நிகழ்வுகளில் பங்குபற்றி வெற்றியீட்டியவர்களுக்கு பரிசில்களும் வழங்கி வைக்கப்பட்டிருந்தமை குறிப்பிடத்தக்கது.