சுற்றுச்சூழல் பாதுகாப்பிற்காக காடாக்கும் நிகழ்வு 2024.08.28 ஆம் திகதி புதன்கிழமை இன்று மு.ப 8.45 மணியளவில் புதுக்குடியிருப்பு தெற்கு கிராம உத்தியோகத்தர் பிரிவில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் இடம்பெற்றது. இந்நிகழ்வில் கிராம உத்தியோகத்தர், பொருளாதார அபிவிருத்தி உத்தியோகத்தர், சமுர்த்தி அபிவிருத்தி உத்தியோகத்தர், சுற்றாடல் அபிவிருத்தி உத்தியோகத்தர், வெளிக்கள உத்தியோகத்தர்கள், சமுர்த்தி சங்கங்கள், விளையாட்டு கழகங்கள் மற்றும் பொதுமக்கள் ஆகியோர் கலந்து கொண்டிருந்ததுடன் இதன் போது 2500 பனம் விதைகள் நடப்பட்டிருந்தமை குறிப்பிடத்தக்கது.

மாவிலங்கதுறை சிவில் பாதுகாப்பு குழு மற்றும் சிவில் அமைப்புகள் இணைந்து நடாத்திய இரத்த தான நிகழ்வு 2024.08.04 ஆம் திகதி ஞாயிற்றுக்கிழமையன்று மு.ப 8.30 மணி தொடக்கம் பி.ப 1.30 மணி வரை மாவிலங்கதுறை கிராம உத்தியோகத்தர் அலுவலகத்தில் இடம்பெற்றது. இந்நிகழ்வில் பிரதேச செயலக விளையாட்டு உத்தியோகத்தர் கலந்து கொண்டிருந்ததுடன் 32 கொடையாளிகளினால் இரத்த தானம் செய்யப்பட்டிருந்தமை குறிப்பிடத்தக்கது.

சர்வதேச இளைஞர் தினத்தை முன்னிட்டு மண்முனைப்பற்று பிரதேச செயலாளரின் வழிகாட்டலின் கீழ் 2024.08.12 ஆம் திகதி திங்கட்கிழமையன்று மரக்கன்று வழங்கும் நிகழ்வு பிரதேச செயலகத்தில் இடம்பெற்றது. இந்நிகழ்வில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்கள் கலந்து கொண்டிருந்ததுடன் பிரதி திட்டமிடல் பணிப்பாளர், நிர்வாக உத்தியோகத்தர் மற்றும் பிரதேச செயலக உத்தியோகத்தர்களும் கலந்து கொண்டிருந்தனர். இதன் போது பரமநயினார் இளைஞர் கழகத்தினால் மிகக்குறைந்த விலையில் மரக்கன்றுகள் பொதுமக்களுக்கு வழங்கப்பட்டிருந்தமை குறிப்பிடத்தக்கது.

மண்முனைப்பற்று பிரதேச செயலகமும் கலாசார அலுவல்கள் திணைக்களமும் இணைந்து நடாத்திய ஆடிக் கூழ் நிகழ்வானது 2024.08.09 ஆம் திகதி வெள்ளிக்கிழமை மு.ப 11.00 மணிக்கு மண்முனைப்பற்று பிரதேச செயலக சர்வ சித்தி விநாயகர் ஆலயத்தில் பிரதேச செயலாளர் தலைமையில் அலுவலக உத்தியோகத்தர்களின் பங்குபற்றுதலுடன் சிறப்பான முறையில் நடைபெற்றிருந்தமை குறிப்பிடத்தக்கது.