Divisional Secretariat - Arayampathy

சித்திரை புத்தாண்டை முன்னிட்டு ஆரையம்பதி சமுர்த்தி சமுதாய அடிப்படை வங்கி நடாத்தும் புத்தாண்டு விளையாட்டு விழா 2024.04.21 ஆம் திகதி ஞாயிற்றுக்கிழமை பி.ப 2.00 மணிக்கு ஆரையம்பதி சமுர்த்தி வங்கி முகாமையாளர் திரு. கா.நவரஞ்சன் அவர்களது தலைமையில் மட்/மட்/ ஆரையம்பதி மகா வித்தியாலய மைதானத்தில் ஆரம்பித்து வைக்கப்பட்டது.

இந்நிகழ்வில் சிறப்பு அதிதியாக மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்கள் கலந்து கொண்டிருந்ததுடன் நிர்வாக உத்தியோகத்தர், சமுர்த்தி தலைமையக முகாமையாளர், ஆரையம்பதி சமுர்த்தி வங்கி முகாமையாளர், சமுர்த்தி அபிவிருத்தி உத்தியோகத்தர்கள், பிரதேச செயலக உத்தியோகத்தர்கள் மற்றும் பொதுமக்கள் எனப் பலரும் கலந்து கொண்டிருந்ததுடன் விளையாட்டு நிகழ்வுகளில் பங்குபற்றி வெற்றியீட்டியவர்களுக்கு பரிசில்களும் வழங்கி வைக்கப்பட்டிருந்தமை குறிப்பிடத்தக்கது.
 

குறைந்த வருமானம் பெறும் குடும்பங்களுக்கான அரிசி பகிர்ந்தளிக்கும் நிகழ்ச்சித்திட்டம் 2024.04.21 ஆம் திகதி ஞாயிற்றுக்கிழமையன்று மண்முனைப்பற்று பிரதேச செயலகப் பிரிவிற்குட்பட்ட செல்வாநகர் கிழக்கு கிராம உத்தியோகத்தர் பிரிவில் பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் உத்தியோகபூர்வமாக ஆரம்பித்து வைக்கப்பட்டது. அத்துடன் காங்கேயனோடை, காங்கேயனோடை தெற்கு, ஆரையம்பதி தெற்கு, ஆரையம்பதி 01, ஆரையம்பதி 02 ஆகிய கிராம உத்தியோகத்தர் பிரிவுகளிலும் அரிசி விநியோகம் இடம்பெற்றிருந்தமை குறிப்பிடத்தக்கது.

2024.04.21 Picture1

சமுர்த்தி அபிவிருத்தி திணைக்களத்தின் சுற்று நிரூபத்திற்கு அமைய 2024 சித்திரை புது வருட சேமிப்பு வாரமும் கைவிசேட நிகழ்வும் 2024.04.15 ஆம் திகதி திங்கட்கிழமை மு.ப 9.00 மணிக்கு சமுர்த்தி வங்கியில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் நடைபெற்றது.

இந்நிகழ்வில் வங்கி முகாமையாளர் திரு. கா. நவரஞ்சன் மற்றும் சமுர்த்தி அபிவிருத்தி உத்தியோகத்தர்கள், சமுர்த்தி சமுதாய அடிப்படை அமைப்புகளின் உறுப்பினர்கள் மற்றும் வங்கி வாடிக்கையாளர்கள் கலந்து கொண்டிருந்தனர்.

இந்நிகழ்வின் சிறப்பம்சமாக பிரதேச செயலாளர் அவர்களினால் புது வருட நல்வாழ்த்துக்கள் தெரிவிக்கப்பட்டிருந்ததோடு சித்திரை புத்தாண்டு சேமிப்பு வாரம் ஆரம்பித்து வைக்கப்பட்டதுடன் அபிவிருத்தி உத்தியோகத்தர்களுக்கும் வாடிக்கையாளர்களுக்கும் கைவிஷேடம் வழங்கி வைக்கப்பட்டமை குறிப்பிடத்தக்கது.

சித்திரைப் புத்தாண்டை முன்னிட்டு எமது மண்முனைப்பற்று பிரதேச செயலக பிரிவில் சமுர்த்தி அபிமானி விற்பனை கண்காட்சியும் விற்பனை சந்தையும் ஏற்பாடு செய்யப்பட்டு 2024.04.08 ஆம் திகதி திங்கட்கிழமையன்று மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் ஆரம்பித்து வைக்கப்பட்டது.

தலைமையக முகாமையாளரின் வரவேற்புரையுடன் ஆரம்பிக்கப்பட்ட இந்நிகழ்வில் மாவட்ட சமுர்த்தி பணிப்பாளர், உதவி பிரதேச செயலாளர், தலைமையக முகாமையாளர், முகாமைத்துவ பணிப்பாளர், கருத்திட்ட முகாமையாளர், சமுர்த்தி வங்கி முகாமையாளர்கள், சமுர்த்தி அபிவிருத்தி உத்தியோகத்தர்கள், பிரதேச செயலக உத்தியோகத்தர்கள், சமுர்த்தி பயனாளிகள் மற்றும் பொது மக்களும் கலந்து கொண்டிருந்தனர்.

இதன் போது பயனாளிகளின் உற்பத்தி பொருட்களுக்கு சந்தை வாய்ப்பினை பெற்றுக் கொடுக்கும் நோக்கத்தோடு கண்காட்சிப்படுத்தப்பட்டு விற்பனை செய்யப்பட்டது. அத்துடன் நுகர்வு மற்றும் தொழில் முயற்சிக்கான கடனும் வழங்கப்பட்டிருந்தமை குறிப்பிடத்தக்கது.
 

மண்முனைப்பற்று பிரதேச செயலக சிறுவர் பெண்கள் பிரிவின் ஏற்பாட்டில் சர்வதேச மகளிர் தின நிகழ்வானது 13.03.2024 ஆம் திகதி புதன்கிழமை பி.ப 2.30 மணிக்கு பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் செல்வாநகர் கிழக்கு காளி கோயில் முன்றலில் இடம்பெற்றது.

இந்நிகழ்வில் உதவி பிரதேச செயலாளர், பிரதி திட்டமிடல் பணிப்பாளர், கணக்காளர், நிர்வாக உத்தியோகத்தர், கிராம நிர்வாக உத்தியோகத்தர் மற்றும் பிரதேச செயலக உத்தியோகத்தர்கள் ஆகியோர் கலந்து கொண்டிருந்தனர். இதன் போது அதிதிகளை வரவேற்றல், மங்கள விளக்கேற்றல், வரவேற்பு நடனம் ஆகியன இடம்பெற்றதனை தொடர்ந்து பிரதேச செயலாளரால் வரவேற்புரையும் மகளிர் தினம் தொடர்பான பேச்சும் இடம்பெற்றது.

அதன் பின்னர் அப்பிரதேச மக்களால் நடனம், பாட்டு, கவிதை என்பன இடம்பெற்றதுடன் பெண் தொழில் முயற்சியாளர்களின் சந்தை அதிதிகளால் திறந்து வைக்கப்பட்டு மகளிர் சங்க உறுப்பினர்களுக்கான விளையாட்டுக்களும் அலுவலக உத்தியோகத்தர்களுக்கான விளையாட்டுக்களும் இடம்பெற்றன. இந்நிகழ்வில் கலந்து கொண்டு சிறப்பித்தவர்களுக்கும் விளையாட்டு நிகழ்வுகளில் பங்குபற்றி வெற்றியீட்டியவர்களுக்குமான பரிசில்கள் அதிதிகளால் வழங்கி வைக்கப்பட்டமை குறிப்பிடத்தக்கது.
 