Divisional Secretariat - Arayampathy

சர்வதேச கரையோர பாதுகாப்பு மற்றும் தூய்மைப்படுத்தல் நிகழ்வு 2024.10.10 ஆம் திகதி வியாழக்கிழமை மு.ப 7.30 மணிக்கு புதுக்குடியிருப்பு கடற்கரையில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் இடம்பெற்றது.

இந்நிகழ்வில் கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் மற்றும் ஏனைய வெளிக்கள உத்தியோகத்தர்கள் பங்குபற்றியிருந்தமை குறிப்பிடத்தக்கது.

நிரற்படுத்தும் உத்தியோகத்தர்களுக்கான பயிற்சி வகுப்பு

குடிசன வீட்டுவசதிகள் தொகைமதிப்பு 2024 இற்கான கணக்கெடுத்தல் கட்டத்தினை மேற்கொள்ளும் மண்முனைப்பற்று பிரதேச செயலக கணக்கெடுப்பு உத்தியோகத்தர்களுக்கான பயிற்சி வகுப்பு 2024.10.07 தொடக்கம் 2024.10.10 வரையான காலப்பகுதியில் மண்முனைப்பற்று பிரதேச செயலக மாநாட்டு மண்டபத்தில் இடம்பெற்றது.

Capture 2024.10.10

மண்முனைப்பற்று பிரதேச செயலகத்தின் சர்வதேச சிறுவர் தினம் மற்றும் முதியோர் வார நிகழ்வானது "பிள்ளைகளைப் பாதுகாப்போம் சமமாக நடாத்துவோம்" மற்றும் "வலுவான பராமரிப்பு மற்றும் ஆதரவுடன் முதியோர்களை கௌரவப்படுத்துவோம்" எனும் தொனிப்பொருளில் 2024.10.01 ஆம் திகதி செவ்வாய்க்கிழமை மாவிலங்கதுறை கிராம உத்தியோகத்தர் பிரிவின் பற்றிமாபுரம் இளவேனில் விளையாட்டு மைதானத்தில் பி.ப 3.00 மணிக்கு பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் சிறப்பாக நடைபெற்றது.

நிகழ்வின் அதிதிகளாக பிரதேசத்தின் சிறுவர்களும் முதியோர்களும் மாலை அணிவித்து வரவேற்கப்பட்டனர். அத்தோடு சிறுவர்களின் பல்வேறான கலைநிகழ்ச்சிகளும் முதியோர்களின் ஆடல் மற்றும் விளையாட்டு நிகழ்வுகளும் இடம்பெற்று சிறுவர்களின் ஆக்கங்களுடனான நான்காவது ஊற்று கையெழுத்துச் சஞ்சிகையும் பிரதேச செயலாளர் மற்றும் உதவி பிரதேச செயலாளர்களுக்கு வழங்கப்பட்டிருந்தன.

இந்நிகழ்வில் உதவி பிரதேச செயலாளர், நிர்வாக உத்தியோகத்தர், நிர்வாக கிராம உத்தியோகத்தர், சமுர்த்தி முகாமைத்துவ பணிப்பாளர், சமுர்த்தி தலைமையக முகாமையாளர், ஆரையம்பதி சுகாதார வைத்திய அலுவலக சிரேஷ்ட பொதுசுகாதார பரிசோதகர் மற்றும் பிரதேச செயலக உத்தியோகத்தர்கள், பொதுமக்கள் ஆகியோரும் கலந்து சிறப்பித்திருந்தமை குறிப்பிடத்தக்கது.

பொலித்தீன் மற்றும் பிளாஸ்டிக் பாவனையால் ஏற்படும் பாதகமான விளைவுகள் பற்றிய விழிப்புணர்வு கருத்தரங்கு 2024.10.02 ஆம் திகதி புதன்கிழமை மு.ப 8.30 மணிக்கு பிரதேச செயலாளர் தலைமையில் பிரதேச செயலக மாநாட்டு மண்டபத்தில் இடம்பெற்றது. இந்நிகழ்வில் வளவாளராக மண்முனைப்பற்று சுகாதார வைத்திய அதிகாரி மற்றும் சிரேஸ்ட பொது சுகாதார பரிசோதகர் ஆகியோர் கலந்து கொண்டிருந்தனர். பிளாஸ்டிக் மற்றும் பொலித்தீன் பாவனையால் சுற்றுச்சூழலுக்கு மாத்திரமின்றி மனித உடலுக்கு எவ்வாறு தீங்கு விளைவிக்கப்படுகின்றது என்ற விரிவான விளக்கம் வழங்கப்பட்டிருந்தமை குறிப்பிடத்தக்கது.

Capture 2024.10.02

மண்முனைப்பற்று பிரதேச செயலகத்தின் ஏற்பாட்டில் மட்டக்களப்பு போதனா வைத்தியசாலையின் இரத்த வங்கி அனுசரணையுடன் இரத்த தான நிகழ்வானது 2024.09.11 ஆம் திகதி புதன்கிழமை மு.ப 9.00 மணி தொடக்கம் பிரதேச செயலக மாநாட்டு மண்டபத்தில் பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் இடம்பெற்றது.

இந்நிகழ்வில் பிரதேச செயலக உத்தியோகத்தர்கள், இளைஞர்கள், விளையாட்டு கழக உறுப்பினர்கள் மற்றும் பொது மக்கள் என பலரும் கலந்து கொண்டு உயிர் காக்க உதிரம் கொடுத்து இந்நிகழ்வில் பங்குபற்றியிருந்தமை குறிப்பிடத்தக்கது.