Divisional Secretariat - Arayampathy

கலைஞர்களுக்கான உதவித் தொகை வழங்கல்

கலாசார அலுவல்கள் திணைக்களத்தினால் வழங்கப்படும் கலைஞர்களுக்கான உதவித்தொகையானது 15.05.2025ஆம் திகதி வியாழக்கிழமை அன்று எமது பிரதேச செயலாளர் திருமதி.தெட்ஷணகௌரி தினேஷ் அம்மணி அவர்களின் தலைமையில் நடாத்தப்பட்டது. இந் நிகழ்வில் எமது பிரதேச செயலாளர் மற்றும் நிருவாக உத்தியோகத்தர் ஆகியோரால் பத்து கலைஞர்களுக்கு பத்தாயிரம் ரூபா வீதம் மொத்தமாக ஒரு இலட்சம் ரூபா பணத்தொகை வழங்கி வைக்கப்பட்டது.

திருநாவுக்கரசு நாயனார் குரு பூசை தினம்

மண்முனைப்பற்று பிரதேச செயலகத்தின் வழிகாட்டலில் தாழங்குடா விநாயகர் அறநெறி பாடசாலையில் திருநாவுக்கரசு நாயனார் குருபூசையானது 2025.04.27 ஆம் திகதி ஏற்பாடு செய்யப்பட்டிருந்தது. இந் நிகழ்வானது தாழங்குடா காளியம்மன் ஆலயத்திலிருந்து ஊர்வலத்துடன் ஆரம்பமாகி மட்/ விநாயகர் வித்தியாலயத்தின் ஊடாக விநாயகர் அறநெறிப்பாடசாலையை வந்தடைந்தது. பின்பு கலை நிகழ்வுகள், சிறப்பு சொற்பொழிவு என்பன இடம்பெற்றதுடன் மாணவர்களுக்கு சான்றிதழ்களும், பரிசில்களும் வழங்கி கௌரவிக்கப்பட்டது.

Capture Capture2

காரைக்காலம்மையார் குருபூசை தினம் 30.03.2025

மண்முனைப்பற்று பிரதேச செயலகத்தின் வழிகாட்டலில் கோவில்குளம் ஸ்ரீ சித்திநாதர் நாகம்பாள் அறநெறிப்பாடசாலையில் இடம்பெற்ற காரைக்காலம்மையார் குருபூசையானது ஆசிரியர் மாணவர், பெற்றோர்களின் பங்குபற்றுதலுடன் ஆரம்பமாகி கலைநிகழ்வுகள் இடம்பெற்று நிகழ்வு இனிதே நிறைவு பெற்றது.

சமுர்த்தி அபிமானி விற்பனை கண்காட்சி மற்றும் விற்பனை சந்தை 2025

எதிர்வரும் சித்திரை புத்தாண்டை முன்னிட்டு எமது மண்முனைப்பற்று பிரதேச செயலகப் பிரிவில் சமுர்த்தி அபிமானி விற்பனை கண்காட்சியும் விற்பனை சந்தையும் ஏற்பாடு செய்யப்பட்டு 2025.04.09ஆம் திகதி புதன்கிழமையன்று மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் நடைபெற்றது. எமது நிருவாக உத்தியோகத்தர் திரு.சி.திவாகரன் ஐயா அவர்களினால் திறந்துவைக்கப்பட்ட இந்நிகழ்வானது ஆரையம்பதி பிரதான வீதியில் அமைந்துள்ள சிறு கைத்தொழில் பயிற்சி நிலைய வளாகத்தில் காலை 8.30 தொடக்கம் மாலை 4.00 மணி வரை இடம்பெற்றது.
 

மண்முனைப்பற்று பிரதேச செயலகத்தின் வழிகாட்டலில் தாழங்குடா அன்னை சாரதா அறநெறிப்பாடசாலையில் 16.03.2025 ஆம் திகதி இடம்பெற்ற திருவள்ளுவர் குருபூசையானது ஆசிரியர் மாணவர், பெற்றோர்களின் பங்குபற்றுதலுடன் ஆலய பிரதம குருவின் ஆசியுடன் ஆரம்பமாகி கலைநிகழ்வுகள் , பரிசில்கள் வழங்குதலுடன் நிகழ்வு இனிதே நிறைவு பெற்றது.