Divisional Secretariat - Arayampathy

 
சமுர்த்தி உளவள துணை பயிற்சி நெறி

மண்முனைப்பற்று பிரதேச செயலாளர் திருமதி.தெட்ஷணகௌரி தினேஷ் அம்மணி அவர்களின் தலைமையில் 11.06.2025ம் திகதி மண்முனைப்பற்று பிரதேச செயலக மாநாட்டு மண்டபத்தில் உளவள துணை பயிற்சி நெறி நடைபெற்றது .

இதில் சமூக வலுவூட்டல் தேசிய வேலைத்திட்டத்தின் கீழ் மண்முனைப்பற்று, காத்தான்குடி, மண்முனை தென் எருவில் மேற்கு பிரதேச செயலக பிரிவுகளில் கடமையாற்றும் சமுர்த்தி வெளிக்கள உத்தியோகத்தர்கள் மற்றும் மாவட்ட செயலக சமுர்த்தி கருத்திட்ட சிரேஷ்ட முகாமையாளர் கலந்துகொண்டனர்.
 
 

மரநடுகை மற்றும் சுற்றாடல் தினம் 2025

ஜுன் 5 உலக சுற்றாடல் தினத்தை முன்னிட்டு 05.06.2025 (வியாழக்கிழமை) மரநடுகை மற்றும் சுற்றாடல் தினம் கொண்டாட்ட நிகழ்வுகள் மண்முனைப்பற்று பிரதேச செயலாளர் திருமதி. தெட்சணக் கெளரி தினேஷ் அம்மணி அவர்களின் ஆலோசனைக்கு அமைவாக ஆரையம்பதி கிழக்கு மட்/நவரெட்னராஜா பாடசாலையில் இடம்பெற்றது.

இந் நிகழ்வினை பாடசாலை அதிபர் தலைமையேற்று நடாத்தினார் , அத்துடன் எமது மண்முனைப்பற்று பிரதேச செயலக பிரதி திட்டமிடல் பணிப்பாளர் பிரதம அதிதியாக கலந்து கொண்டதுடன் மத்திய சுற்றாடல் அதிகார சபை உத்தியோகத்தர் , பிரதேச செயலக சுற்றாடல் அபிவிருத்தி உத்தியோகத்தர் ஆகியோரும் பங்கேற்றனர். நிகழ்வில் 20 மரக்கன்றுகள் பாடசாலை மைதானத்தில் நடப்பட்டதுடன் அதற்கான கூடுகளும் அமைக்கப்பட்டிருந்தது. அதுமட்டுமல்லாமல் சுற்றாடல் தினத்தினை முன்னிட்டு பாடசாலை மாணவர்களின் ஆக்கதிறன் கண்காட்சி மற்றும் சுற்றுச்சூழல் பாதுகாப்பு சிறுவர் நிகழ்ச்சிகள் என்பன சிறப்பான முறையில் இடம்பெற்றது.

மண்முனைப்பற்று சகல கிராம உத்தியோகத்தர் பிரிவுகளிலும் இம்மர நடுகை நிகழ்வு இடம்பெற்றது குறிப்பிடத்தக்கது.
 

தெய்வீக கிராம நிகழ்வு
மேற்படி நிகழ்வானது மண்முனைப்பற்று பிரதேச செயலாளர் திருமதி . தெட்ஷணகௌரி தினேஷ் அம்மணி அவர்களின் தலைமையில் 01.06.2025 ஆந்திகதி ஞாயிற்றுக்கிழமை பிரதேச செயலக சர்வ சித்தி விநாயகர் ஆலயத்திலிருந்து ஊர்வலத்துடன் ஆரம்பமாகி திருநீற்றுக்கேணி செல்வ விநாயகர் ஆலயத்தை சென்றடைந்தது.
ஆலய பூசை, கோமாதா பூசை ,மரநடுகை என்பன ஆலய நிகழ்வுகளாக இடம்பெற்றதுடன் நந்திக் கொடி ஏற்றல், மாணவர்களின் கலை நிகழ்வுகள் என்பனவற்றுடன் சைவப்புலவரும் சைவ பண்டிதருமாகிய யோ.கஜேந்திரா ஐயா அவர்களின் சிறப்பு சொற்பொழிவும் இடம்பெற்றது. அதனைத் தொடர்ந்து 2023 ஆம் ஆண்டிற்கான பிரதேச மட்ட ஆக்கத்திறன் போட்டிகளுக்கான சான்றிதழ்களும், பரிசில்களும் வழங்கி வைக்கப்பட்டதுடன் அனைவருக்கும் சிற்றுண்டிகளும் வழங்கப்பட்டு இறுதியில் அன்னதானம் வழங்குதலுடன் நிகழ்வு இனிதே நிறைவு பெற்றது.

சமூக வலுவூட்டல் பயிற்சி வேலைத் திட்டம்

மண்முனைப்பற்று பிரதேச செயலாளர் திருமதி.தெட்ஷணகௌரி தினேஷ் அம்மணி அவர்களின் தலைமையில் சமூக வலுவூட்டல் பயிற்சி வேலைத் திட்டம் 03.06.2025ம் திகதி காலை 9.00 மணி தொடக்கம் மாலை 4.30 மணி வரை மண்முனைப்பற்று பிரதேச செயலக மாநாட்டு மண்டபத்தில் நடைபெற்றது. இதில் கருத்திட்ட முகாமையாளர் திரு.P.பிரதீபன் , சிரேஷ்ட சமுர்த்தி முகாமையாளர் திரு.பசீர் , சமுர்த்தி தலைமையக முகாமையாளர், ஏனைய கருத்திட்ட முகாமையாளர்கள், சமுர்த்தி வங்கி முகாமையாளர்கள் மற்றும் சமுர்த்தி அபிவிருத்தி உத்தியோகத்தர்கள் ஆகியோர் கலந்து கொண்டனர்.

Merge

மண்முனைப்பற்று கிராமிய விளையாட்டு விழா

மண்முனைப்பற்று பிரதேச செயலாளர் திருமதி . தெட்ஷணகௌரி தினேஷ் அம்மணி அவர்களின் வழிகாட்டலின் கீழ் கலாசார உத்தியோகத்தர்களின் தலைமையில் கிராமிய விளையாட்டு நிகழ்வானது மட்/மட்/தர்மபுரம் தர்மரெத்தினம் வித்தியாலத்தில் அதிபர், ஆசிரியர்கள், மாணவர்கள் மற்றும் பெற்றோர்களின் பங்குபற்றுதலுடன் பி.ப 2.30 மணிக்கு 28.05.2025 திகதி இனிதே ஆரம்பமாகியது.

நிகழ்வில் பங்குபற்றிய மாணவர்களுக்கு பல வகையான விளையாட்டுக்கள் நடாத்தப்பட்டது. முதல் மூன்று இடங்களை பெற்ற மாணவர்களை பிரதேச செயலக உத்தியோகத்தர்கள் நடுவர்களாக செயற்பட்டு தெரிவு செய்தனர். பின்பு மாணவர்களுக்கு பரிசில்கள் வழங்கப்பட்டதுடன் அனைவருக்கும் சிற்றுண்டிகளும் வழங்கப்பட்டு, இறுதியில் கலாசார உத்தியோகத்தர் திருமதி. வளர்மதி ராஜ் அவர்களின் நன்றியுரையுடன் நிகழ்வு இனிதே நிறைவு பெற்றது.
 