Divisional Secretariat - Arayampathy

சமுர்த்தி சமுதாய அடிப்படை அமைப்பு கணக்கீட்டு பயிற்சி நெறி
 

மண்முனைப்பற்று பிரதேச செயலாளர் திருமதி தெட்ஷணகௌரி தினேஷ் அம்மணி அவர்களின் தலைமையில் சமுர்த்தி சமுதாய அடிப்படை அமைப்பு கணக்கீட்டு பயிற்சி நெறியானது மாவட்ட செயலக CBO முகாமையாளர் திரு.க.பகிரதன் அவர்களால் தாழங்குடா சமுர்த்தி வங்கியின் சமுர்த்தி அபிவிருத்தி உத்தியோகத்தர்களுக்கும் CBO பொருளாளர்களுக்கும் 28.05.2025 புதன்கிழமை அன்று பிரதேச செயலக மாநாட்டு மண்டபத்தில் காலை 9.00 மணிக்கு ஆரம்பமாகி நடைபெற்றது. இதில் சமுர்த்தி தலைமையக முகாமையாளர் மற்றும் சமுர்த்தி வங்கி முகாமையாளர் ஆகியோர் கலந்துகொண்டமை குறிப்பிடத்தக்கது.
 

தொற்றாநோய் மற்றும் நீரழிவு நோய் தொடர்பான விழிப்புணர்வு.

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் அபிவிருத்தி உத்தியோகத்தரின் (சுதேச வைத்தியம்) ஒருங்கிணைப்பில் 27.05.2025 செவ்வாய்க்கிழமை மண்முனைப்பற்று பிரதேச செயலகப் பிரிவிற்குட்பட்ட மண்முனை கிராமசேவகர் பிரிவிலுள்ள பிரதேச மக்களுக்கு மு. ப 9.30 மணிக்கு புதுக்குடியிருப்பு ஆயுர்வேத வைத்தியசாலை வைத்தியர்களினால் நடமாடும் வைத்தியமுகாம் நடாத்தப்பட்டது. இதில் 63 பேர் கலந்து கொண்டு பயன்பெற்றனர்.
 
 

பதின்ம வயதினருக்கான பயிற்சிப் பட்டறை

எமது பிரதேச செயலாளர் திருமதி தெட்ஷணகௌரி தினேஷ் அம்மணி அவர்களின் வழிகாட்டலின் கீழ் கலாசார உத்தியோகத்தர்களின் தலைமையில் பதின்ம வயதினருக்கான பயிற்சிப்பட்டறையானது ஓரு குழந்தைக்கு கல்வி புகட்டு இந்து நரசிம்மர் அறநெறிப்பாடசாலை, சூபி மன்ஸ_ல் குர்ஆன் மதரசா பாடசாலை மற்றும் பத்திமா ஞாயிறு பாடசாலை ஆகிய பாடசாலைகளில் கல்வி கற்கும் 75 மாணவர்களின் பங்குபற்றுதலுடன் 17.05.2025 ஆம் திகதி மு.ப 9.00 மணிக்கு எமது பிரதேச செயலக வளாகத்தில் இடம்பெற்றது.
.

சமுர்த்தி சமுதாய அடிப்படை அமைப்பு கணக்கீட்டு பயிற்சி நெறி - 2025

மண்முனைப்பற்று பிரதேச செயலாளர் திருமதி தெட்ஷணகௌரி தினேஷ் அம்மணி அவர்களின் தலைமையில் சமுர்த்தி சமுதாய அடிப்படை அமைப்பு கணக்கீட்டு பயிற்சி நெறியானது ஆரையம்பதி சமுர்த்தி வங்கியின் சமுர்த்தி அபிவிருத்தி உத்தியோகத்தர்களுக்கும் CBO பொருளாளர்களுக்கும் 22.05.2025 வியாழக்கிழமை பிரதேச செயலக மாநாட்டு மண்டபத்தில் காலை 9.00 மணிக்கு ஆரம்பமாகி நடைபெற்றது. இதில் சமுர்த்தி தலைமையக முகாமையாளர் மற்றும் சமுர்த்தி வங்கி முகாமையாளர் ஆகியோர் கலந்துகொண்டமை குறிப்பிடத்தக்கது.
 
 

மங்கையற்கரசியார் குரு பூசை தினம்
மண்முனைப்பற்று பிரதேச செயலகமும் இந்து கலாசார அலுவல்கள் திணைக்களமும் இணைந்து நடாத்தும் மங்கையற்கரசியார் குரு பூசை தின நிகழ்வு மண்முனைப்பற்று பிரதேச செயலாளர் அவர்களின் வழிகாட்டலின் கீழ் இந்து கலாசார உத்தியோகத்தரின் தலைமையில் செல்வாநகர் கிழக்கு கிராம சேவகர் பிரிவிற்குட்பட்ட ஒரு குழந்தைக்கு கல்வி புகட்டு இந்து நரசிம்மர் அறநெறிப் பாடசாலை ஆசிரியர்கள், மாணவர்களின் பங்குபற்றதலுடன் 2025.05.18ஆந்திகதி மு.ப 9.00 மணிக்கு இறைவணக்கத்துடன் ஆரம்பமாகியது. இந் நிகழ்வில் மங்கையற்கரசியார் குரு பூசை தினம் பற்றிய விளக்கங்கள் அளிக்கப்பட்டது. பின்பு மாணவர்களுக்குசிற்றுண்டி வழங்கப்பட்டு நிகழ்வு இனிதே நிறைவு பெற்றது.