தேசிய வீடமைப்பு அபிவிருத்தி அதிகாரசபையினால் 2025ம் ஆண்டில் முதற்கட்டமாக முன்னெடுக்கப்பட்ட 04 வீட்டுத்திட்டங்களில் 3 வீடுகள் இன்று கௌரவ பிரதி அமைச்சர் திரு.TB .சரத் நகர அபிவிருத்தி நிர்மாணிப்பு மற்றும் வீடமைப்பு அமைச்சு அவர்களினால் உத்தியோக பூர்வமாக பயனாளிகளிடம் கையளிப்பு செய்யப்பட்டது. புதுக்குடியிருப்பு தெற்கு தாழங்குடாஇராஜதுரைக்கிராமம் ஆகிய கிராம உத்தியோகத்தர் பிரிவுகளில் 02.10.2025 அன்று நடைபெற்றதுடன் இதில் மாவட்ட பாராளுமன்ற உறுப்பினர் க.பிரபு, பிரதேச செயலாளர் திருமதி.தெட்சணகௌரி தினேஷ் , தேசிய வீடமைப்பு அதிகார சபையின் மாவட்ட பணிப்பாளர், பிரதேச செயலக பிரதி திட்டமிடல் பணிப்பாளர், மண்முனைப்பற்று பிரதேசசபை உறுப்பினர்கள், NHDA தொழில்நுட்ப உத்தியோகத்தர்கள் பிரிவுக்கு பொறுப்பான பொருளாதார அபிவிருத்தி உத்தியோகத்தர்கள், கிராம உ்த்தியோகத்தர்கள், பிரதேச செயலக உத்தியோகத்தர்கள் என பலரும் பங்குபற்றினார்கள்.

 

மகளிர் மற்றும் சிறுவர் விவகார அமைச்சின் முன்பிள்ளை பருவ அபிவிருத்திக்கான தேசிய செயலகத்தின் ஊடாக உலக வங்கியின் அனுசரணையுடன் முன்பிள்ளை பருவ அபிவிருத்தி செயற் திட்டத்தின் மாவட்ட செயலகத்தின் ஒருங்கிணைப்பில் எமது பிரதேச செயலாளர் பிரிவில் நிர்மாணிக்கப்பட்ட "ஆரையூர் பகல் பராமரிப்பு நிலையம் மற்றும் முன்பள்ளி " 23. 09.2025 அன்று அரசாங்க அதிபர் திருமதி ஜே. ஜே. முரளிதரன் அம்மணி அவர்களினால் திறந்து வைக்கப்பட்டது. இந்நிகழ்வானது மண்முனைப்பற்று பிரதேச செயலாளர் திருமதி.தெட்ஷணகௌரி தினேஷ் அம்மணி அவர்களின் தலைமையில் முற்பகல் 9.30 மணி அளவில் இடம்பெற்றது இந்நிகழ்வில் மாவட்ட செயலக பொறியியலாளர், மட்டக்களப்பு கல்வி வலையத்தின் உதவி கல்வி பணிப்பாளர், மற்றும் மாவட்ட செயலக முன்பள்ளி பருவ இணைப்பாளர், பிரதேச செயலக நிர்வாகத் உத்தியோகத்தர் மற்றும் கிராம சேவக உத்தியோகத்தர், முன்பிள்ளை பருவ அபிவிருத்தி உத்தியோகத்தர், மற்றும் சிறுவர் மகளிர் பிரிவு உத்தியோகத்தர்கள் பாலர் பாடசாலையின் ஆசிரியர்கள், பெற்றோர்கள் அனைவரும் கலந்து கொண்டார்கள் என்பது குறிப்பிடத்தக்கது.

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் 02.09.2025 SEIRI வாரத்தின் இரண்டாம் நாள் தேவையற்ற பொருட்களை அகற்றி தேவையான பொருட்களை ஒழுங்குபடுத்தும் செயற்பாடு கிளை ரீதியாக இடம்பெற்றது.