"நேர்மையான கலாசாரம் - சுத்தமான இலங்கை" என்ற தேசிய வேலைத்திட்டத்தின் கீழ், எமது மண்முனைப்பற்று பிரதேச செயலகத்தில் 'நேர்மை வாரம்' (Integrity Week ) சிறப்பு நிகழ்வு இனிதே நடைபெற்றது.

பிரதேச செயலாளர் திருமதி தெட்சணகௌரி தினேஷ் அம்மணி அவர்களின் தலைமையில் உதவி பிரதேச செயலாளர் திரு. கிருஷ்ணப்பிள்ளை இளம்குமுதன் அவர்களால் உறுதிமொழி வாசிக்கப்பட்டதற்கு இணங்க அலுவலக உத்தியோகத்தர்கள் அனைவரும் சத்தியபிரமாணம் செய்து கொண்டனர்.

பிரதேச செயலாளர் ஆற்றிய உரையில் இலங்கையின் ஒட்டுமொத்த அரச சேவையினதும் தரம், வினைத்திறன் மற்றும் வெளிப்படைத்தன்மை ஆகியவற்றை மேம்படுத்துதல், ஊழலற்ற முன்மாதிரியான நிர்வாகக் கட்டமைப்பினைக் கட்டியெழுப்புதல் ஆகியன தற்போதைய அரசின் முதன்மையான எதிர்பார்ப்பாக அமைந்துள்ளதுடன், இந்த நோக்கத்தை அடைந்துகொள்வதற்காக நடைமுறைப்படுத்தப்படும் கிளீன் ஸ்ரீலங்கா தேசிய நிகழ்ச்சித்திட்டத்துடன் இணைந்து, அரச சேவையின் நெறிமுறை விழுமியங்களை வலுப்படுத்துதல் தலையாய நோக்கமாகும் என தெரிவித்தார்.

இந் நிகழ்வில் உதவி பிரதேச செயலாளர், கணக்காளர், பிரதி திட்டமிடல் பணிப்பாளர், நிர்வாக உத்தியோகத்தர், மற்றும் ஏனைய பதவி நிலை உத்தியோகத்தர்கள், அலுவலக உத்தியோகத்தர்களும் கலந்து கொண்டனர்.

 

 

 

 

 

எமது மண்முனைப்பற்று பிரதேச செயலகம் கடந்த ஆண்டு நடைபெற்ற தேசிய உற்பத்தித் திறன் (National Productivity) Citizen Mirror போட்டியில் மாவட்ட மட்டத்தில் 3ஆம் இடத்தையும், அகில இலங்கை மட்டத்தில் 14ஆம் இடத்தையும் பெற்று சிறப்பித்துள்ளது.

இன்று(16.06.2026) Colombo Galle Face Hotel இல் நடைபெற்ற பாராட்டு விழாவில், எமது மண்முனைப்பற்று பிரதேச செயலாளர் திருமதி தெட்ஷண கெளரி தினேஷ் அம்மணி அவர்களும், அபிவிருத்தி உத்தியோகத்தர் திரு வி. ரமேந்திரன் அவர்களும், மண்முனைப்பற்று பிரதேச செயலகத்தின் சார்பில் இவ்விருதினைப் பெற்றுக்கொண்டனர்.

இச்சாதனைக்காக அர்ப்பணிப்புடன் பணியாற்றிய அனைத்து உத்தியோகத்தர்களுக்கும் மனமார்ந்த பாராட்டுகளையும் நன்றிகளையும் தெரிவித்துக் கொள்கின்றோம்.

தேசிய சுற்றாடல் வாரத்தை முன்னிட்டு சுற்றாடல் அமைச்சினால் *அவசர காலநிலை நடவடிக்கை* *"Urgent Climate Action*" எனும் தொனிப்பொருளை அடிப்படையாகக் கொண்டு ஏற்பாடு செய்யப்பட்ட *பொலித்தீன் பைகளுக்கு மாற்றீடாக துணிப்பைகளை வழங்கும்* நிகழ்வானது மண்முனைப்பற்று பிரதேச செயலகத்தின் மதிப்பிற்குரிய பிரதேச செயலாளரின் தலைமையிலும், உதவி பிரதேச செயலாளரின் வழிகாட்டலிலும், பிரதி திட்டமிடல் பணிப்பாளரின் ஒருங்கமைப்பு மற்றும் ஆலோசனைக்கிணங்கவும், மத்திய சுற்றாடல் அதிகார சபையின் சுற்றாடல் உத்தியோகத்தர், பிரதேச சபையின் உத்தியோகத்தர்கள் மற்றும் சிவா வித்தியாலய அதிபர், ஆசிரியர்கள், மாணவர்களின் பங்குபற்றலுடன் 12.06.2026 மு.ப 8.30 மணியளவில் , ஆரையம்பதி பொதுச் சந்தையில் இந்நிகழ்வானது இடம்பெற்றது.

 

இந் நிகழ்வின் போது அதிதிகளை வரவேற்றதுடன் இறைவணக்கம் நிகழ்த்தப்பட்டு பிரதி திட்டமிடல் பணிப்பாளரினால் வரவேற்புரை நிகழ்த்தப்பட்டதை தொடர்ந்து பிரதேச செயலாளர் மிகச் சிறப்பான முறையில் தலைமை உரை நிகழ்த்தினார். அதைத் தொடர்ந்து மத்திய சுற்றாடல் அதிகார சபையின் சுற்றாடல் உத்தியோகத்தரால் திட்டத்தின் விளக்கவுரை நிகழ்ந்ததை தொடர்ந்து சந்தை பயனாளிகளுக்கும், அலுவலக உத்தியோகத்தர்களுக்கும் துணிப்பை வழங்கும் நிகழ்வானது மதிப்பிற்குரிய பிரதேச செயலாளரினால் தொடங்கி வைக்கப்பட்டது இதன் போது மத்திய சுற்றாடல் அதிகார சபையின் சுற்றாடல் உத்தியோகத்தரால் காலநிலை மாற்றத்திற்கு எதிராக செயல்படுவோம், சுற்றுச்சூழல் மாற்றம் பொலித்தீன் பைகளுக்கு எதிரான விழிப்பூட்டல் உரை என்பன மக்களிடையே பகிரப்பட்டன.

 

மேலும் சிவா வித்தியாலய மாணவர்களினால் பொலித்தீன் மற்றும் பிளாஸ்டிக் பாவனைக்கு எதிரான பதாதைகள் ஏந்திய விழிப்புணர்வூட்டும் பேரணி நிகழ்வும் இடம்பெற்றது குறிப்பிடத்தக்கது.

இந்நிகழ்வில் பிரதேச செயலாளர், உதவி பிரதேச செயலாளர், பிரதி திட்டமிடல் பணிப்பாளர், பதவி நிலை உத்தியோகத்தர்கள் மற்றும் மத்திய சுற்றாடல் அதிகார சபையின் சுற்றாடல் உத்தியோகத்தர், பிரதேச செயலகத்தின் சுற்றாடல் அபிவிருத்தி உத்தியோகத்தர், பிரதேச சபையின் உத்தியோகத்தர்கள்,

மண்முனைபற்று பிரதேச செயலகத்தின் அலுவலக உத்தியோகத்தர்கள், சிவா வித்யாலயத்தின் அதிபர், ஆசிரியர்கள், மாணவர்கள் பலரும் கலந்து கொண்டிருந்தனர்.

 

மண்முனைப்பற்று பிரதேச செயலக ஸ்ரீ சர்வசித்தி விநாயகர் ஆலய சங்காபிஷேகமும் தைப்பொங்கல் விழாவும் நிகழ்வானது 2026.01.27 ஆம் திகதி காலை 9.00 மணிக்கு பிரதேச செயலாளர் (பதில் கடமை) திரு. உ.உதயஸ்ரீதர் ஆவர்களின் தலைமையில் ஆரம்பமாகியது.

செல்வாநகர் சிவன் ஆலயத்தில் இருந்து பாற்குட பவணியுடன் கதிர் எடுத்துவரப்பட்டு விநாயகருக்கு அபிஷேகம் செய்யப்பட்ட பின்னர் கதிர்களுக்கு பூசைசெய்து கதிர் சூடடிக்கும் நிகழ்வு இடம்பெற்றது.

இதில் பிரதேச செயலக உதவிப் பிரதேச செயலாளர் திரு கி. இளங்குமுதன், கணக்காளர் திரு அ. மோகனகுமார், நிருவாக உத்தியோகத்தர் திரு.வே.தவேந்திரன் ஆகியோருடன் பிரதேச செயலக உத்தியோகத்தர்கள், பொதுமக்களும் கலந்து கொண்டனர்.

அதன் பின்னர் ஒருபுறம் சங்காபிஷேக நிகழ்வுகளும் மறுபுறம் ஒவ்வோரு கிளைகளும் வெவ்வேறு வகையான பொங்கல் பானை வைத்தல் நிகழ்வுகளும் இடம்.பெற்று பிரதேச செயலகம் விழாக்கோலம் பூண்டது. இதன்போது உத்தியோகத்தர்களின் பாடல்களும் இடம்பெற்றன.

தொடர்ந்து சங்காபிஷேக பூசை மற்றும் தைப்பொங்கல் பூசைகள் இடம்பெற்று நிகழ்வுகள் யாவும் இனிதே நிறைவுபெற்றது.