பிரதேச செயலகம் - ஆரையம்பதி

மண்முனைப்பற்று பிரதேச செயலகத்தில் புதிய உதவி பிரதேச செயலாளர் பதவியேற்பு

கிழக்கு மாகாண கிராம அபிவிருத்தி திணைக்களத்தின் மாகாண பணிப்பாளராகவும் சமூக அபிவிருத்தி திணைக்களத்தின் மாகாண பணிப்பாளராகவும் (பதில்) கடமை புரிந்து கிழக்கு மாகாண அபிவிருத்திகளில் செவ்வனே தனது கடமையை நிறைவேற்றி, சொந்த மாவட்டத்தில் மக்களுக்கான தனது சேவையினை வழங்க வேண்டும் எனும் நிறைந்த அபிலாசைகளுடன் திரு.K.இளம்குமுதன் அவர்கள் இன்று 21.01.2026 புதன்கிழமை காலை மண்முனைப்பற்று பிரதேச செயலக சர்வசித்தி விநாயகரின் ஆசியுடன் தனது கடமைகளை உத்தியோகபூர்வமாக பொறுப்பேற்றார்.

இந்நிகழ்வில் மண்முனைப்பற்று பிரதேச செயலகத்தின் பிரதேச செயலாளர் (பதில் கடமை) திரு.U. உதயஸ்ரீதர் , பிரதி திட்டமிடல் பணிப்பாளர் திரு. A. சுதர்சன், கணக்காளர் திரு. A. மோகனகுமார், நிர்வாக உத்தியோகத்தர் திரு. V. தவேந்திரன், சமூக சேவை உத்தியோகத்தர் திரு. S. சிவலிங்கம் , பிரதேச செயலக நலன்புரி சங்க செயலாளர் திரு. V. பாஸ்கரன் மற்றும் பிரதேச செயலக உத்தியோகத்தர்கள் ஆகியோர் கலந்து கொண்டு வாழ்த்துக்களை தெரிவித்தனர்.

அதனைத்தொடர்ந்து பிரதேச செயலக பதவி நிலை உத்தியோகத்தர்களின் கலந்துரையாடலுடன் கிளைகள் ரீதியான அறிமுகம் செய்து வைக்கப்பட்டது, தொடர்ந்து நலன்புரி சங்கத்தினால் தேநீர் உபசாரம் இடம் பெற்று, இந்நிகழ்வானது இனிதே நிறைவு பெற்றது.
 
 

அறுவடை நிகழ்வு

2025 மாவட்ட செயலகத்தினால் வழங்கப்பட்ட நிலக்கடலை அறுவடை நிகழ்வானது கிரான்குளம் மத்தி கிராம சேவகர் பிரிவில் பிரதித்திட்டமிடல் பணிப்பாளர் தலைமையில் 07/01/2026 இன்று நடைபெற்றது. இந் நிகழ்வில் விவசாய அபிவிருத்தி உத்தியோகத்தர்கள் மற்றும் கிராம உத்தியோகத்தர்கள், கால்நடை உத்தியோகத்தர்கள், சமுக வலுவூட்டல் உத்தியோத்தர்கள், அபிவிருத்தி உத்தியோகத்தர்கள் ஆகியோரும் விவசாயிகளும் கலந்து கொண்டனர்.
 

மண்முனைப்பற்று பிரதேச செயலகத்தில் கடமையாற்றும் வெளிக்கள உத்தியோகத்தர்களுக்கு பொது சேவை மூலம் சமூகத்தை மேம்படுத்தல் தொடர்பாக பயிற்சி நெறி பிரதேச செயலக மாநாட்டு மண்டபத்தில் 2025.12.17 ஆந் திகதி பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலில் நிருவாக உத்தியோகத்தர் திரு.வே. தவேந்திரன் அவர்களின் தலைமையில் நடைபெற்றது.

இந்நிகழ்வுக்கு வளவாளராக பிரதேச செயலக உதவிப் பிரதேச செயலாளர் திரு. சூ.பார்த்தீபன் அவர்கள் கலந்து பயனுள்ள வகையில் நடாத்தி இருந்தார்.

இப்பயிற்சி நெறியினூடாக உத்தியோகத்தர்கள் மக்களுக்கான சேவையினை மேற்கொள்ளும் போது ஏற்படும் பிரச்சினைகளும் அதற்கான தீர்வுகள் தொடர்பான பூரண விளக்கத்தினையும் பெற்றுக்கொண்டமை குறிப்பிடத்தக்கது.

2026 ம் ஆண்டு புது வருட நிகழ்வு

2026 ஆம் ஆண்டின் கடமைச் செயற்பாடுகளை ஆரம்பிக்கும் நிகழ்வானது மண்முனைப்பற்று பிரதேச செயலக வளாகம் மற்றும் மண்முனைப்பற்று பிரதேச செயலக மாநாட்டு மண்டபத்தில் வருடத்தின் முதல் நாளான 2026.01.01 ஆம் திகதி வியாழக்கிழமை இன்று மு.ப 8.30 மணிக்கு பிரதேச செயலாளர் திருமதி தெட்சணகௌரி தினேஷ் அம்மணி அவர்களது தலைமையில் அனைத்து உத்தியோகத்தர்களின் பங்கேற்புடன் ஆரம்பமானது.

மேற்படி நிகழ்வில் தேசிய கொடி ஏற்றல் மற்றும் தேசிய கீதம் இசைக்கப்பட்டதுடன் நாட்டுக்காக உயிர் நீத்த அனைவரையும் நினைவுகூறும் முகமாக இரு நிமிட மௌன இறை வணக்கம் மேற்கொள்ளப்பட்டது. மேலும் அனைத்து அரச உத்தியோகத்தர்களும் "வளமான நாடு அழகான வாழ்க்கை" ஊடாக சவால்களின் முன்னிலையில் தயங்கமாட்டோம் எனும் தொனிப்பொருளின் கீழ் சத்தியப்பிரமாணம் மேற்கொண்டிருந்ததுடன் பிரதேச செயலாளர் திருமதி. தெட்சணகௌரி தினேஷ் அவர்களினால் வாழ்த்துச் செய்தியுடன் தலைமையுரையும் நிகழ்த்தப்பட்டது. அதனைத் தொடர்ந்து கணக்காளர் திரு அ. மோகனகுமார், பிரதி திட்டமிடல் பணிப்பாளர் திரு அ. சுதர்சன் மற்றும் நிருவாக உத்தியோகத்தர் திரு.வே. தவேந்திரன் அவர்களின் வாழ்த்துச் செய்திகளும் வழங்கப்பட்டது. மேலும் உத்தியோகத்தர்களின் கலை நிகழ்வுகளும் இடம்பெற்றன. அத்துடன் உத்தியோகத்தர்கள் அனைவருக்கும் சிற்றுண்டிகள் வழங்கப்பட்டு இந்நிகழ்வானது இனிதே நிறைவுற்றது.

மகளிர் மற்றும் சிறுவர் அலுவல்கள் அமைச்சின் அனுசரணையுடன் கிறிஸ்துமஸ் பண்டிகை காலத்தை முன்னிட்டு மகப்பேற்று கிளினிக் நிலையங்களில் பதிவு செய்யப்பட்ட கர்ப்பிணித் தாய்மார்கள் மற்றும் பாலூட்டும் தாய்மார்களுக்கு ஒரு தடவை மாத்திரம் வழங்கப்படும் ரூபா 5000.00 பெறுமதியான போசாக்கு உணவுப் பொருட்கள் அடங்கிய பொதி 16.12.2025 செவ்வாய்க் கிழமை கிரான்குளம் மற்றும் புதுக்குடியிருப்பு கிளினிக்களில் பதிவு செய்யப்பட்ட 109 பயனாளி தாய்மார்களுக்கு பிரதேச செயலாளரின் வழிகாட்டுதலின் கீழ் எமது மண்முனைப் பற்று பிரதேச செயலகத்தில் வைத்து கணக்காளர், நிர்வாக உத்தியோகத்தர் மற்றும் முன்பிள்ளைப்பருவ உத்தியோகத்தர் என்பவர்களினால் வழங்கி வைக்கப் பட்டது. இப் பொதிகள் ஏனைய பயனாளிகளான 372 பேருக்கும் எதிர்வரும் 19.12.2025 வரை வழங்கப்படவுள்ளது குறிப்பிடத்தக்கதாகும்.