ප්‍රාදේශීය ලේකම් කාර්යාලය - ආරයම්පති

நலன்புரி நன்மைகள் நிகழ்ச்சித்திட்டம் - 2024

அஸ்வெசும இரண்டாம் கட்டத்திற்கான விண்ணப்பங்கள் கோரப்பட்டுள்ளன.
 

இலங்கை ஜனநாயக சோசலிச குடியரசின் 76 ஆவது சுதந்திர தின நிகழ்வு மண்முனைப்பற்று பிரதேச செயலக வளாகத்தில் 2024.02.04 ஆம் திகதி காலை 8.30 மணியளவில் ஆரம்பமானது. பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் ஆரம்பமான இந்நிகழ்வில் பிரதேச செயலாளரினால் தேசிய கொடி ஏற்றப்பட்டு தேசிய கீதம் இசைக்கப்பட்டு தொடர்ந்து பிரதேச செயலாளரினால் உத்தியோகத்தர்களுக்கு உரை நிகழ்த்தப்பட்டது.

இந்நிகழ்வில் உதவி பிரதேச செயலாளர், பிரதி திட்டமிடல் பணிப்பாளர், கணக்காளர், நிர்வாக உத்தியோகத்தர், நிர்வாக கிராம உத்தியோகத்தர் உள்ளிட்ட பிரதேச செயலக உத்தியோகத்தர்கள் கலந்து கொண்டிருந்தனர். தொடர்ந்து பிரதேச செயலக வளாகத்தினுள் சிரமதான நிகழ்வு இடம்பெற்றதுடன் பயன்தரு பல்லாண்டு மூலிகை கன்றுகள் நடுகை செய்யப்பட்டமையும் குறிப்பிடத்தக்கது.

ஆரையம்பதி மாற்றுத்திறனாளிகள் சமூக உள்வாங்கல் அமைப்பின் சுயதொழில் உதவி வழங்கும் நிகழ்வு YMCA நிறுவன உதவியுடன் 2024.01.23 ஆம் திகதி செவ்வாய்கிழமையன்று தாழங்குடா சமூக பராமரிப்பு நிலையத்தில் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் நடைபெற்றது. இதன் போது பிரதேச செயலாளர் அவர்களால் சுயதொழில் உபகரணங்கள் வழங்கிவைக்கப்பட்டிருந்தமை குறிப்பிடத்தக்கது.

2024.01.23 Picture1

"சுவதரணி மூலிகைப் பயிர் வாரம்" எனும் தொனிப்பொருளில் நாடு பூராகவும் மூலிகைக் கன்றுகள் நடுகை செய்யும் நிகழ்வு 2024.02.02 ஆம் திகதி வெள்ளிக்கிழமையன்று ஆரம்பித்து வைக்கப்படும் பொருட்டு மண்முனைப்பற்று பிரதேச செயலக வளாகத்தில் மூலிகை கன்றுகள் நடும் நிகழ்வு பிரதேச செயலாளர் திருமதி. T. தினேஷ் அவர்களின் தலைமையில் இடம்பெற்றது. இதன் போது பிரதேச செயலாளர் மற்றும் நிர்வாக உத்தியோகத்தர் அவர்களால் மூலிகை கன்றுகள் நடப்பட்டமை குறிப்பிடத்தக்கது.

2024.02.02 Picture 1

போதைப்பொருள் தடுப்பு நடவடிக்கையில் வெளிக்கள உத்தியோகத்தர்களின் பங்கு எனும் தலைப்பில் சமுர்த்தி அபிவிருத்தி மற்றும் பொருளாதார அபிவிருத்தி உத்தியோகத்தர்களுக்காக ஏற்பாடு செய்யப்பட்ட விழிப்புணர்வு நிகழ்வு மண்முனைப்பற்று பிரதேச செயலாளர் திருமதி.தெட்சணகௌரி தினேஷ் அவர்களின் தலைமையில் 2024.01.22 ஆம் திகதி திங்கட்கிழமையன்று பிரதேச செயலக மாநாட்டு மண்டபத்தில் நடைபெற்றது.

இந்நிகழ்வில் உதவி பிரதேச செயலாளர் திருமதி. லோகினி விவேகானந்தராஜ் கலந்து கொண்டதோடு, நிகழ்வின் வளவாளராக களுவாஞ்சிக்குடி நீதிவான் நீதிமன்ற சமுதாயஞ்சார் சீர்திருத்த உத்தியோகத்தர் திரு.மு.புவனேந்திரன் அவர்கள் கலந்துகொண்டிருந்தமை குறிப்பிடத்தக்கது.