Divisional Secretariat - Arayampathy

மார்ச் 08 ஆந் திகதி உலகளாவிய ரீதியில் கொண்டாடப்படும் சர்வதேச மகளிர் தினத்தினை முன்னிட்டு அதன் முதலாவது நிகழ்வு மண்முனைப்பற்று பிரதேச செயலகத்தினால் ஆரையம்பதி சிறுவர் பூங்காவிற்கு அருகில் நடாத்தப்பட்டது.
 
இந்நிகழ்வானது மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் 2022.03.06 ஆந் திகதி பி.ப 03.30 மணிக்கு ஆரம்பமானதுடன் இதில் குடும்ப வன்முறை தொடர்பான வீதியோர நாடகம் சூரியா கலாச்சார குழுவினரால் அளிக்கை செய்யப்பட்டது.
 
மேலும் இந்நிகழ்வில் உதவி பிரதேச செயலாளர் திருமதி. வி. லோகினி கிராம உத்தியோகத்தர்கள், பிரதேச செயலக உத்தியோகத்தர்கள், ஆரையம்பதி வடக்கு மாதர் அபிவிருத்தி சங்க உறுப்பினர்கள், சிறுவர் கழக உறுப்பினர்கள் மற்றும் பொதுமக்கள் ஆகியோர் கலந்து கொண்டிருந்தமை குறிப்பிடத்தக்கது.

மண்முனைப்பற்று பிரதேச செயலகத்தின் ஆரையம்பதி வங்கி வலயத்திற்குட்பட்ட ஆரையம்பதி கிழக்கு கிராம உத்தியோகத்தர் பிரிவில் இயங்கி வரும் சபர் சமுர்த்தி சமுதாய அடிப்படை அமைப்பின் புதிய அலுவலகத்தினை திறந்து வைக்கும் வைபவமும், வறிய மாணவர்களுக்கான பாடசாலை உபகரணங்கள் வழங்கும் நிகழ்வும் இன்று 09.02.2022 புதன்கிழமை நடைபெற்றது. இந்நிகழ்வானது மண்முனைப்பற்று பிரதேச செயலாளர் திருமதி.ந.சத்தியானந்தி அவர்களின் தலைமையில் மு.ப 9.00 மணிக்கு ஆரம்பமானதுடன் சிறப்பு அதிதியாக மட்டக்களப்பு மாவட்ட சமுர்த்தி பணிப்பாளர் திரு.சி.புவனேந்திரன் அவர்கள் கலந்து சிறப்பித்திருந்தமை குறிப்பிடத்தக்கது.

இந் நிகழ்வில் ஆரையம்பதி சமுர்த்தி வலய வங்கி முகாமையாளர் திரு.K.நவரஞ்சன், சமுர்த்தி சமுதாய அடிப்படை அமைப்பின் கணக்காய்வு உத்தியோகத்தர் S.உனேஸ்குணாளன், பிரதேச சபை உறுப்பினர் M.I.M.நஸீம், கிராம உத்தியோகத்தர், சமுர்த்தி அபிவிருத்தி உத்தியோகத்தர்கள், சபர் அமைப்பின் நிர்வாக உறுப்பினர்கள், ஏனைய அங்கத்தவர்கள் மற்றும் பொதுமக்கள் ஆகியோர் இந்நிகழ்வில் கலந்து கொண்டிருந்தமை குறிப்பிடத்தக்கது.
 

எமது நாட்டின் அதிமேதகு ஜனாதிபதி கோட்டபாய ராஜபக்ஸ அவர்களின் சிந்தனையுடன், நிதி அமைச்சின் அனுசரனையுடன் 2022 ஆம் ஆண்டின் வரவுசெலவுதிட்ட முன்மொழிவுகளில் விசேடமாக முன்னுரிமை வழங்கி பிரதேச மற்றும் மாவட்ட நிர்வாகத்தின் கீழ் புதிய தோற்றப்பாட்டுடன் செயற்படுத்துவதற்கு உத்தேசிக்கப்பட்டுள்ள கிராமிய அபிவிருத்தி நிகழ்ச்சித்திட்டத்தின் தெரிவு செய்யப்பட்ட ஒரு இலட்சம் கருத்திட்டங்களை ஒரே தடவையில் ஆரம்பித்து வைக்கும் நிகழ்வினை 2022 பெப்ரவரி மாதம் 03 ஆம் திகதி வியாழக்கிழமை மு.ப 8.52 எனும் சுபநேரத்தில் கிழக்கு திசை நோக்கி நடத்துவதற்கான நடவடிக்கைகள் மேற்கொள்ளப்பட்டுள்ளன.
அதற்கமைவாக மண்முனைப்பற்று பிரதேச செயலக பிரிவிலுள்ள 27 கிராம உத்தியோகத்தர் பிரிவுகளில் 189 வேலைத் திட்டங்கள் முன்னெடுக்கப்படவிருப்பதற்கு அமைவாக முதல் காலாண்டிற்குரிய 07 வேலைத் திட்டங்களை ஆரம்பித்து வைக்கும் நிகழ்வு மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் ஆரையம்பதி கிழக்கு கிராம உத்தியோகத்தர் பிரிவில் நடைபெற்றது.
குறித்த நிகழ்விற்கு சிறப்பு அதிதியாக மட்டக்களப்பு மாவட்ட செயலாளரும் அரசாங்க அதிபருமான திரு.க.கருணாகரன் அவர்கள் கலந்து கொண்டிருந்ததுடன், பின்தங்கிய கிராம பிரதேச அபிவிருத்தி, வீட்டு விலங்கின வளர்ப்பு மற்றும் சிறுபொருளாதார பயிர்ச்செய்கை மேம்பாட்டு இராஜாங்க அமைச்சரும், மண்முனைப்பற்று பிரதேச அபிவிருத்தி ஒருங்கிணைப்பு குழுத்தலைவருமான கௌரவ சதாசிவம் வியாழேந்திரன் அவர்கள் பிரதம அதிதியாக கலந்து கொண்டிருந்தமையும் குறிப்பிடத்தக்கது.
மேலும் இந்நிகழ்வில் மண்முனைப்பற்று பிரதேச சபை உறுப்பினர் திரு. T.சுரேந்தர், மண்முனைப்பற்று பிரதேச செயலக பிரதி திட்டமிடல் பணிப்பாளர் திருமதி. M. ஜெயச்சந்திரன், ஆரையம்பதி கிழக்கு கிராம உத்தியோகத்தர், பொருளாதார அபிவிருத்தி உத்தியோகத்தர், சமுர்த்தி அபிவிருத்தி உத்தியோகத்தர், ஏனைய பிரதேச செயலக உத்தியோகத்தர்கள், பயனாளிகள் மற்றும் பொதுமக்கள் கலந்து கொண்டிருந்ததுடன், இத்திட்டத்தினை ஆரம்பிக்கும் முகமாக மு.ப 8.52 எனும் சுப வேளையில் கிழக்கு திசை நோக்கியதாக, பொருளாதார அபிவிருத்தி உத்தியோகத்தரின் அலுவலகத்திற்கான திருத்த வேலைகளை சம்பிரதாய பூர்வமாக ஆரம்பிக்கும் முகமாக அடிக்கல் நடும் நிகழ்வு இடம்பெற்றதுடன், தெரிவு செய்யப்பட்ட பயனாளிகளுக்கான அனுமதி கடிதங்கள் வழங்கி வைக்கப்பட்டிருந்தமையும் குறிப்பிடத்தக்கது.

சுபீட்ஷமான நாளைய தினத்துக்கான சௌபாக்கிய தேசியம் என்னும் தொனிப்பொருளின் கீழ் 74 ஆவது சுதந்திர தின விழா மண்முனைப்பற்று பிரதேச செயலகத்தில் 04.02.2022 அன்று நடைபெற்றது. இதன் போது மு.ப 8.19 மணிக்கு பிரதேச செயலாளர் திருமதி. ந.சத்தியானந்தி அவர்களினால் தேசியகொடி ஏற்றப்பட்டு அதனைத் தொடர்ந்து தேசியகீதமும் இசைக்கப்பட்டது. பின்னர் நாட்டிக்காக உயிர் நீத்தவர்களுக்கான மௌன இறைவணக்கம் செலுத்தப்பட்டது.

மேலும் வரவேற்புரை மற்றும் தேசிய சுதந்திரத்தின் முக்கியத்துவத்தை முன்னிலைப்படுத்தியதான உரையினை மண்முனைப்பற்று பிரதேச செயலகத்தின் பிரதேச செயலாளர் திருமதி. ந. சத்தியானந்தி அவர்கள் நிகழ்த்தினார். அடுத்ததாக காரியாலய சுற்று சூழலை சுத்தப்படுத்தும் சிரமதான நிகழ்வு நடைபெற்றமை குறிப்பிடத்தக்கது.

பின்னர் 74 ஆவது சுதந்திர தினத்துக்கான மரநடுகை நிகழ்வானது 27 கிராம உத்தியோகத்தர் பிரிவுகளிலும் பொது அமைப்புகள் மற்றும் பொதுமக்களின் பங்குபற்றலுடன் இடம்பெற்றமை குறிப்பிடத்தக்கது.

மேற்படி நிகழ்வானது 2021.10.27 ஆம் திகதி பிரதேச செயலாளர் திருமதி. ந.சத்தியானந்தி அவர்களின் தலைமையில் சுகாதார வழிகாட்டல்களுக்கு அமைவாக நடைபெற்றது.

இந்நிகழ்வானது கௌரவ பாராளுமன்ற உறுப்பினரும் மாவட்ட அபிவிருத்திக்குழு தலைவருமான சிவனேசதுரை சந்திரகாந்தன் அவர்களின் பாராளுமன்ற உறுப்பினர்களுக்கான பன்முகப்படுத்தப்பட்ட நிதி ஒதுக்கீட்டின் மூலம் ஆலயங்களுக்கான நிதி மற்றும் விளையாட்டு கழகங்களுக்கான உபகரணங்கள் வழங்கப்பட்டமை குறிப்பிடத்தக்கது.