Divisional Secretariat - Arayampathy

paper add welfare 2022 jpg

Capture

மண்முனைப்பற்று பிரதேச செயலக இப்தார் நிகழ்வு 2022.04.20 ஆம் திகதி காங்கேயனோடை கிராம உத்தியோகத்தர் பிரிவின் ஈரான் நகர் ரசூல் பள்ளிவாசலில் பிரதேச செயலாளர் திருமதி. ந.சத்தியானந்தி அவர்களின் தலைமையில் இடம் பெற்றது.

இந்நிகழ்வில் உதவிப் பிரதேச செயலாளர் திருமதி. V.லோகினி, மேலதிக மாவட்ட பதிவாளர் A.G.M.பர்சாத், நிர்வாக உத்தியோகத்தர் திரு. S.திவாகரன், கலாசார அபிவிருத்தி உத்தியோகத்தர் ஜனாப் A.L.முசாதிக், பொருளாதார அபிவிருத்தி உத்தியோகத்தர் S.கோமளன் மற்றும் பொதுமக்கள் என பலரும் கலந்து கொண்டு சிறப்பித்திருந்ததுடன் இந்நிகழ்வினை மண்முனைப்பற்று பிரதேச செயலக கலாசாரப் பிரிவு உத்தியோகத்தர்கள் ஏற்பாடு செய்து நடாத்தியிருந்தமை குறிப்பிடத்தக்கது.

இந்திய தமிழ் நாட்டிலிருந்து அன்பளிப்பாக கிடைக்கப் பெற்ற உலர் உணவுப் பொதிகள் மண்முனைப்பற்று பிரதேச செயலப் பிரிவில் 2022.06.06 ஆம் திகதி முதல் வழங்கி வைக்கும் நிகழ்வுகள் ஆரம்பித்து வைக்கப்பட்டுள்ளன.

மண்முனைப்பற்று பிரதேச செயலாளர் திருமதி.சத்தியானந்தி நமசிவாயம் தலைமையில் குறித்த உலர் உணவுப் பொதிகள் வழங்கி வைக்கப்பட்டுள்ளதுடன், இதன் போது பிரதேச செயலக உதவிப் பிரதேச செயலாளர் திருமதி.V.லோகினி மற்றும் நிருவாக உத்தியோகத்தர் S.திவாகரன் உள்ளிட்ட பிரதேச செயலக உயரதிகாரிகளும், உத்தியோகத்தர்களும் கலந்து கொண்டு நிவாரண பொதிகளை வழங்கி வைத்துள்ளனர்.

மண்முனைப்பற்று பிரதேச செயலக பிரிவிற்குட்பட்ட ஆரையம்பதி கிழக்கு கிராம உத்தியோகத்தர் பிரிவில் வறுமைக் கோட்டின் கீழ் வாழும் தெரிவு செய்யப்பட்ட பயனாளிகளுக்கே இன்றைய தினம் உலர் உணவுப் பொதிகள் வழங்கி வைக்கப்பட்டுள்ளன.

மட்டக்களப்பு மாவட்டத்திற்கென முதற்கட்டமாக வழங்கப்பட்டுள்ள 50000 பக்கட் அரிசி மற்றும் 3750 பக்கட் பால்மா என்பனவற்றை மாவட்டத்தின் 14 பிரதேச செயலகப் பிரிவிற்கும் முன்னுரிமை அடிப்படையில் மாவட்ட செயலகத்தினால் பகிர்ந்தளிக்கப்பட்டுள்ளமை குறிப்பிடத்தக்கது.

மட்டக்களப்பு மாவட்டத்தில் Transparency International Sri Lanka நிறுவனமானது LIFT நிறுவனத்துடன் இணைந்து தகவல் அறியும் உரிமைச்சட்டம் தொடர்பான விழிப்புணர்வு செயலமர்வொன்றை மண்முனைப்பற்று பிரதேச செயலக மாநாட்டு மண்டபத்தில் 20.04.2022 ஆம் திகதி இடம்பெற்றது.

இலஞ்ச ஊழலற்ற சமுதாயத்தை உருவாக்கும் நோக்கோடு மக்களோடு தொடர்புபட்ட அரச உத்தியோகத்தர்களுக்கு குறித்த விழிப்புணர்வு செயற்திட்டம் முன்னெடுக்கப்பட்டு வருகின்றமை குறிப்பிடத்தக்கது.

பிரதேச செயலாளர் திருமதி ந.சத்தியானந்தி அவர்களின் தலைமையில் நடைபெற்ற நிகழ்வில் Transparency International Sri Lanka நிறுவனத்தின் சிரேஸ்ட திட்ட உத்தியோகத்தர் பிரியா போல்ராஜ், உத்தியோகத்தர்களான கசுல் ரணசிங்க, ரகுமான் ஆகியோர் வளவாளர்களாகவும் LIFT நிறுவனத்தின் கள உத்தியோகத்தர் தனுஜா, உதவி பிரதேச செயலாளர், கணக்காளர், பிரதி திட்டமிடல் பணிப்பாளர், நிர்வாக உத்தியோகத்தர், கிராம உத்தியோகத்தருக்கான நிர்வாக உத்தியோகத்தர், பதவி நிலை உதவியாளர்கள், கிராம உத்தியோகத்தர்கள் மற்றும் பிரிவுகளில் கடமையாற்றும் உத்தியோகத்தர்கள் என பலரும் பங்குபற்றியிருந்தமை குறிப்பிடத்தக்கது.