மேற்படி நிகழ்வானது 2021.10.25 அன்று நண்பகல் 12 மணிக்கு மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் சுகாதார வழிகாட்டல்களுக்கு அமைவாக செல்வாநகர், சாந்தன் வீதியிலுள்ள புதிய வங்கி கட்டிடத்திற்காக ஒதுக்கப்பட்ட காணியில் நடைபெற்றது. 

இந்நிகழ்வில் பின்தங்கிய கிராம பிரதேச அபிவிருத்தி, வீட்டு விலங்கின வளர்ப்பு மற்றும் சிறுபொருளாதார பயிர்ச்செய்கை மேம்பாட்டு இராஜாங்க அமைச்சரும் பிரதேச அபிவிருத்தி ஒருங்கிணைப்பு குழுத்தலைவருமான கௌரவ சதாசிவம் வியாழேந்திரன் அவர்கள் சிறப்பு அதிதியாக கலந்து கொண்டதுடன் அவர்களால் புதிய கட்டிடத்திற்கான அடிக்கல் நாட்டப்பட்டமையும் குறிப்பிடத்தக்கது.

மேற்படி வேலைத்திட்டத்திற்கமைவாக மண்முனைப்பற்று பிரதேச செயலகப் பிரிவில் தெரிவு செய்யப்பட்ட 300 சமுர்த்தி பயனாளிகளுக்கு அதன் முதற்கட்டமாக  உபகரணம் வழங்கும் நிகழ்வானது 25.10.2021 அன்று மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் சுகாதார வழிகாட்டல்களுக்கு அமைவாக  நடைபெற்றது. மேற்படி வேலைத்திட்டத்திற்கமைவாக மண்முனைப்பற்று  பிரதேச செயலகப் பிரிவில் தெரிவு செய்யப்பட்ட 300 சமுர்த்தி பயனாளிகளுக்கு அதன் முதற்கட்டமாக  உபகரணம் வழங்கும் நிகழ்வானது 25.10.2021 அன்று மண்முனைப்பற்று பிரதேச செயலாளர் திருமதி. ந.சத்தியானந்தி அவர்களின் தலைமையில் சுகாதார வழிகாட்டல்களுக்கு அமைவாக  நடைபெற்றது. 

இந்நிகழ்வில் பின்தங்கிய கிராம பிரதேச அபிவிருத்தி, வீட்டு விலங்கின வளர்ப்பு மற்றும் சிறுபொருளாதார பயிர்ச்செய்கை மேம்பாட்டு இராஜாங்க அமைச்சரும் பிரதேச அபிவிருத்தி ஒருங்கிணைப்பு குழுத்தலைவருமான கௌரவ சதாசிவம் வியாழேந்திரன் அவர்கள் அதிதியாக கலந்து கொண்டதுடன் பயனாளிகளுக்கு வாழ்வாதார பொருட்களும் வழங்கி வைக்கப்பட்டன. 

அதனடிப்படையில் விவசாயத்திட்டத்தின் கீழ்  33 பயனாளிகளுக்கு விவசாய உபகரணங்களும்,  சந்தைப்படுத்தல் திட்டத்தின் கீழ் 03 பயனாளிகளுக்கு சிகையலங்கார தொழிலுக்கான  உபகரணங்களும் 09 பயனாளிகளுக்கு தையல் இயந்திரங்களும் வழங்கப்பட்ட அதேவேளை சிறுகைத் தொழில் திட்டத்தின் கீழ் 25 பயனாளிகளுக்கு தையல் இயந்திரங்களும் வழங்கப்பட்டமை குறிப்பிடத்தக்கது.

சர்வதேச சிறுவர் தினத்தை முன்னிட்டு "அனைத்திற்கும் முன்னுரிமை சிறுவர்கள்" என்னும் தொனிப்பொருளிற்கு அமைவாக பட்டினியற்ற நாட்டை கட்டியெழுப்பும் நோக்கில் ஒரு இலட்சம் பலாமரக்கன்றுகள் நடும் தேசிய வேலைத்திட்டத்திட்டமானது மண்முனைப்பற்று பிரதேச செயலக பிரிவில் முன்னெடுக்கப்பட்டுள்ளது.

அதற்கு அமைவாக ஒக்டோபர் முதலாம் திகதி சர்வதேச சிறுவர் தினத்தை முன்னிட்டு மண்முனைப்பற்றில் உள்ள சகல கிராம உத்தியோகத்தர் பிரிவுகளிலும்
பலாமரக்கன்றுகளை நடும் வேலைத்திட்டமானது பிரதேச செயலகத்தின் பெண்கள் மற்றும் சிறுவர் அபிவிருத்தி பிரிவின் ஏற்பாட்டில் மண்முனைப்பற்று பிரதேச செயலாளர் திருமதி.ந.சத்தியானந்தி அவர்களது ஆலோசனை மற்றும் வழிகாட்டலில் சிறுவர் கழகங்களின் பங்களிப்புடன் சுகாதார விதிமுறைகளைப் பின்பற்றி மிகச்சிறப்பாக இடம்பெற்றுள்ளது.

இந்நிகழ்வுகளில் உதவிப் பிரதேச செயலாளர் திருமதி எல்.விவேகானந்தராஜா மற்றும் பிரதேச செயலக பெண்கள் மற்றும் சிறுவர் அபிவிருத்தி பிரிவின் உத்தியோகத்தர்களும் கலந்துகொண்டிருந்தனர்.