ප්‍රාදේශීය ලේකම් කාර්යාලය - ආරයම්පති

மகளிர் மற்றும் சிறுவர் விவகார அமைச்சின் முன்பிள்ளைப்பருவ அபிவிருத்திக்கான தேசிய செயலகத்தின் அனுசரணையுடன் எமது பிரதேச செயலாளர் பிரிவில் 03.12 .2025 புதன் கிழமை அன்று காலை 9.30 மணிக்கு "சிறந்த பெற்றோராகுதல் " தொடர்பான பெற்றோர்களை விழிப்புணர்வூட்டும் நிகழ்ச்சித் திட்டம் ஒன்று முன்பிள்ளைப் பருவ அபிவிருத்தி உ த் தியோகத்தரின் ஒருங்கிணைப்பின் கீழ் மண்முனைப்பற்று பிரதேச செயலாளர் திருமதி தெட்ஷணகௌரி தினேஷ் அவர்களின் தலைமையில் இடம்பெற்றது. இந்நிகழ்வில் வளவாளராக பட்டிப்பளை பிரதே ச செயலக முன்பிள்ளை பருவ அபிவிருத்தி உத்தியோகத்தர் திரு. G. உமாரமணன் பங்குற்றினார். அத்துட ன் இந் நிகழ்வில் முன் பிள்ளைப்பருவ சிறார்களின் பெற்றோர்கள், கர்ப்பினி தாய்மார்கள் ஆகியோர் கலந்து கொண்டார்கள்.

மட்டக்களப்பு மாவட்ட பாராளுமன்ற உறுப்பினரும் மண்முனைப்பற்று பிரதேச அபிவிருத்திக்குழு தலைவருமாகிய கௌரவ கந்தசாமி பிரபு அவர்களினால் பிரதேச செயலாளர் தலைமையில் பிரஜாசக்தி தேசிய வேலைத்திட்டத்தில் கிராம மட்ட சமுக அபிவிருத்திசபை தலைவர்களுக்கான நியமனக்கடிதம் வழங்கும் நிகழ்வு (2025/12/16) செவ்வாய்க்கிழமை பிற்பகல் 4:00 மணிக்கு பிரதேச செயலக மாநாட்டு மண்டபத்தில் நடைபெற்றது.

இந்நிகழ்வில் மண்முனைப்பற்று பிரதேசசெயலகபிரிவை பிரதிநிதித்துவப்படுத்தும் வகையில் அனைத்து பிரிவுகளுக்குமான சமுக அபிவிருத்தி சபைக்கான தலைவர்கள் பங்கேற்றமை குறிப்பிடத்தக்கது.
 
 

மண்முனைப்பற்று பிரதேச செயலக மாதர் அபிவிருத்தி பயிற்சி நிலைய மாணவர்களுக்கான அழகுக்கலை பயிற்சிநெறி தாழங்குடா மாதர் அபிவிருத்தி பயிற்சி நிலையத்தில் 2025.12.03 ஆந் திகதி பிரதேச செயலாளர் திருமதி.தெட்சணகௌரி தினேஷ் அம்மணி அவர்களின் வழிகாட்டலில் உதவி பிரதேச செயலாளர் S.பார்த்தீபன் அவர்களின் தலைமையில் நடைபெற்றது.

இந்நிகழ்வுக்கு வளவாளராக திருமதி. வனிதா செல்வபெருமாள் அவர்களும் கிராம அபிவிருத்தி உத்தியோகத்தர், அபிவிருத்தி உத்தியோகத்தர், தையல் போதனாசிரியை மற்றும் பயிற்சி மாணவர்கள் ஆகியோர் கலந்து கொண்டனர். இப் பயிற்சி நெறியானது 10 நாள் கொண்ட பயிற்சியாகும்.
 
   

சீரற்ற காலநிலை காரணமாக, "டித்வா" புயலின் தாக்கத்தினால் நாட்டில் ஏற்பட்ட பேரழிவில் பாதிக்கப்பட்ட மக்களுக்காக உதவிக்கரம் நீட்டும் நோக்கில் மண்முனைப்பற்று பிரதேச செயலகத்தினால் நிவாரண பொருட்கள் சேகரிக்கும் பணி முன்னெடுக்கப்பட்டு, மண்முனை பற்று பிரதேச செயலக உத்தியோகத்தர்களால் கிளை ரீதியாகவும், செயலகப் பிரிவிற்குட்பட்ட தாழங்குடா ஸீப்ரா விளையாட்டு கழகம் மற்றும் நலன்விரும்பிகளால் வழங்கப்பட்ட அத்தியாவசிய மற்றும் உலருணவு பொருட்கள் பிரதேச செயலாளர் திருமதி. தெட்சணகௌரி தினேஸ் மற்றும் உதவி பிரதேச செயலாளர் திரு.S.பார்த்தீபன், பிரதித் திட்டமிடல் பணிப்பாளர் திரு.A.சுதர்சன், நிருவாக உத்தியோகத்தர் திரு.V.தவேந்திரன் ஆகியோரின் ஏற்பாட்டில் ஒழுங்கு செய்யப்பட்டு கையளிக்கப்பட்டது.

கையளிக்கப்பட்ட பொருட்கள் அனைத்தும் 05.12.2025ஆம் திகதி நேற்றைய தினம் அனர்த்த நிவாரண சேவை உத்தியோகத்தர்களால் மட்டக்களப்பு மாவட்ட செயலகத்தில் திருமதி சுதர்சினி ஸ்ரீகாந் அம்மணி அவர்களிடம் கையளிக்கப்பட்டது.
 
 

PSDG - 2025 வேலை திட்டத்தின் கீழ் முதியோர் மற்றும் மாற்றுத் திறனாளிகளை பராமரிக்கும் நபர்களுக்கான விழிப்புணர்வு கருத்தரங்கு.

முதியோர் மற்றும் மாற்றுத் திறனாளிகளை பராமரிக்கும் நபர்களுக்கான விழிப்புணர்வு கருத்தரங்கானது மண்முனைப்பற்று பிரதேசசெயலக மாநாட்டு மண்டபத்தில் 11/11/2025 ம் திகதியன்று மண்முனைப்பற்று பிரதேசசெயலாளர் திருமதி தெட்சணகௌரி தினேஷ் அம்மணி அவர்களின் தலைமையில் சமூக சேவை உத்தியோகத்தர் திரு இ. சிவலிங்கம், அபிவிருத்தி உத்தியோகத்தர்கள் திரு பே.சுகநாதன் , திருமதி தே.சுதாகரன், திருமதி க. ஜீவராசா, சமூகசேவை கிளை உத்தியோகத்தர்களால் இணைந்து ஒழுங்கமைப்பு செய்யப்பட்டது.

இந்நிகழ்வில் வளவாளர்களாக திரு அ. ஜெயநாதன் உதவி கல்வி பணிப்பாளர் முறைசாரா கல்வி பிரிவு வலயக்கல்வி அலுவலகம் , திருமதி ம. கோவிதா சட்டத்தரணி , திரு ஜி. திலக்ஷன் சுகாதார வைத்திய அதிகாரி சுகாதார வைத்திய அலுவலகம் ஆரையம்பதி, திரு த. நிஷாந்தன் ஆற்றுப்படுத்தல் உத்தியோகத்தர், மாவட்ட செயலகம் ஆகியோர் கலந்துகொண்டனர்.
அத்துடன் பிரதேச முதியோர், மற்றும் மாற்றுத் திறனாளிகள், முதியோர் பராமரிப்பாளர்கள் கலந்து கொண்டனர்.

முதியோர் மற்றும் மாற்றுத் திறனாளிகளை பராமரித்தல் தொடர்பான மனப்பாங்கினை விருத்தி செய்தல், நம்பிக்கை மற்றும் நல்லுறவினை கட்டியெழுப்புதல், அவர்களுக்கான உரிமை மற்றும் பாதுகாப்பு தொடர்பான சட்டங்களும் நடைமுறைகளும், உடல் உள மற்றும் சுகாதார பராமரிப்பு தொடர்பான வழிகாட்டல்கள், முதியோர் மற்றும் மாற்றுத் திறனாளிகளை சமூகத்தில் உள்ளடக்குதல், முதியோர் மற்றும் மாற்றுத் திறனாளிகளை அணுகும் வசதிகளை மேம்படுத்தல் தொடர்பான தெளிவூட்டல் கரத்தரங்காக அமைந்திருந்தது.

இதனூடாக பிரதேச முதியோர் மற்றும் மாற்றுத் திறனாளிகள் தங்களது பாதுகாப்பு, பராமரிப்பு உள நலம் சுகாதாரம் சட்டங்கள் என்பவை தொடர்பாக பூரண தெளிவினை பெற்றுக்கொண்டமை குறிப்பிடத்தக்கது.
 