ප්‍රාදේශීය ලේකම් කාර්යාලය - ආරයම්පති

SEIRI வாரம் செயற்படுத்தல்

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் 01.09.2025 SEIRI வாரத்தின் முதலாம் நாளான இன்று வெளிச்சூழலை சுத்தப்படுத்தும் நிகழ்வு மண்முனைப்பற்று பிரதேச செயலகத்தில் இடம்பெற்றது. இந்நிகழ்விற்கான Banner எமது பிரதேச செயலாளர் அவர்களினால் திறந்துவைக்கப்பட்டு காட்சிப்படுத்தப்பட்டது. இதில் கணக்காளர் , நிருவாக உத்தியோகத்தர் , உற்பத்தித்திறன் உத்தியோகத்தர்கள் ,5S உறுப்பினர்கள் ஆகியோர் கலந்துகொண்டனர். மற்றும் கிளை ரீதியாக உத்தியோகத்தர்கள் அனைவரும் தங்களுக்குப்பொறுப்பான வெளிச்சூழலை சுத்தம் செய்தனர்.

பாரம்பரிய உணவு முறை நிகழ்வு.

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் கலாசார அலுவல்கள் திணைக்களத்தினால் பணிக்கப்பட்ட பன்னிரண்டு மாத வேலைத் திட்டத்தில் பாரம்பரிய உணவு முறையில் ஒன்றான வயலும் சோறும் நிகழ்வானது 31.08.2025 அன்று தாழங்குடா விநாயகர் அறநெறிப் பாடசாலையில் இடம்பெற்றது. இந் நிகழ்வில் கலாசார உத்தியோகத்தர் திருமதி.வளர்மதி ராஜ் அவர்கள் வளவாளராக கலந்து கொண்டமை குறிப்பிடத்தக்கது.
 

கலைஞர் சுவதம்

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் கலாசார அலுவல்கள் திணைக்களத்தினால் ஒதுக்கப்பட்ட 15000 ரூபாய் பணத்திலிருந்து ஒரு கலைஞருக்கு 5000ரூபாய் பெறுமதியான உலர் உணவு பொருட்கள் கலாசார உத்தியோகத்தர், அபிவிருத்தி உத்தியோகத்தர்களால் கலைஞர்களின் வீடு சென்று 06.08.2025 புதன்கிழமை காலை 10.00 மணிக்கு வழங்கி வைக்கப்பட்டது.

விவாதப்போட்டி 

எமது மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் வழிகாட்டலின் கீழ் கலாசார அலுவல்கள் திணைக்களத்தினால் பணிக்கப்பட்ட பன்னிரண்டு மாத வேலைத் திட்டத்தில் ஒன்றான உலகை அறிவோம் விவாதம் போட்டி நிகழ்வானது 07.08.2025 அன்று மட்/மட்/ கிரான்குளம் விநாயகர் வித்தியாலயத்தில் நடைபெற்றது. இதில் கதிரவன் கலைக் கழகத்தின் தலைவர் கதிரவன் இன்பராசா அவர்கள் வளவாளராக கலந்து கொண்டமை குறிப்பிடத்தக்கது இந் நிகழ்வில் 80 பேர் கலந்து கொண்டனர்.

பிரதேச மட்ட கண்காட்சி

மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அம்மணி அவர்களின் தலைமையில் 30.07.2025 ம் திகதி மண்முனைப்பற்று பிரதேச செயலக மாநாட்டு மண்டபத்தில் தாழங்குடா மாதர் அபிவிருத்தி பயிற்சி நிலைய மாணவர்களின் பிரதேச மட்ட கண்காட்சி நடைபெற்றது.
இதில் கிராம அபிவிருத்தி திணைக்களத்தின் மாகாண பணிப்பாளர், மாவட்ட கிராம அபிவிருத்தி உத்தியோகத்தர்,சிரேஷ்ட தையல் போதனாசிரியை மற்றும் மண்முனைப்பற்று பிரதேச செயலக கணக்காளர்,நிருவாக உத்தியோகத்தர், கிராம அபிவிருத்தி உத்தியோகத்தர் ,பிரதேச செயலக உத்தியோகத்தர்கள் ஆகியோர் கலந்து கொண்டனர்.