மேலும் கௌரவ அதிதிகள் பலரது பங்கேற்புடன் நடைபெற்ற இந்நிகழ்வில் மாணவர்களினால் முதியோர் தொடர்பான பேச்சுக்கள் இடம்பெற்றதுடன், கதிரவன் கலைக் கழகத்தின் விஷேட பட்டிமன்றம் மற்றும் முதியோர்களால் நடத்தப்பட்ட இசை நிகழ்ச்சியும் இதன்போது அரங்கேற்றப்பட்டது.

எமது பிரதேச செயலகத்தின் சமூக சேவைப்பிரிவின் ஏற்பாட்டில் நடைபெற்ற இந்நிகழ்வின்போது பிரதேசத்தின் மூத்த கலைஞர்கள் மூவர் இதன்போது பொன்னாடை போர்த்தி நினைவுச் சின்னங்கள் வழங்கி கௌரவிக்கப்பட்டமையும் குறிப்பிடத்தக்கது.

இதன்போது சிறுவர் கழகங்கள் , முன்பள்ளி சிறார்கள் மற்றும் முன்பள்ளி ஆசிரியர்களினால் கண்கவர் நடன நிகழ்வுகள் , பாடல்களுக்கான அபிநயம் மற்றும் விழப்புணர்வு நாடகம் என்பன இதன்போது அரங்கேற்றப்பட்ட துடன், அதிகலவிலான சிறார்கள் ஆர்வத்துடன் இந்நிகழ்வில் பங்குபற்றியிருந்தமை சிறப்பம்சமாகும்.

இறுதியில் சிறுவர் தினத்தினை முன்னிட்டு நடாத்தப்பட்ட சித்திரப் போட்டியின்போது தெரிவுசெய்யப்பட்ட 10 ஆக்கங்களக்கு சான்றிதழ்களும் பரிசில்களும் வழங்கிவைக்கப்பட்டதுடன், போட்டியில் பங்குபற்றிய அனைத்து மாணவர்களுக்கும் பரிசில்களும் வழங்கிவைக்கப்பட்டன. அத்துடன் சிறுவர் நன்னடத்தை திணைக்களத்தினால் இரு பயனாளிகளுக்கு வாழ்வாதார திட்ட கொடுப்பனவும் வழங்கப்பட்டன. மேலும் சமுர்த்திப் பிரிவினால் தெரிவு செய்யப்பட்ட மாணவர்களுக்கு சிப்தொற புலமைப்பரிசில்களும் வறிய மாணவர்களுக்கு கற்றல் உபகரணங்களும் வழங்கிவைக்கப்பட்டன.