பிரதேச செயலகம் - ஆரையம்பதி

இலங்கை ஜனநாயக சோசலிச குடியரசின் 77 ஆவது சுதந்திர தின நிகழ்வு

மண்முனைப்பற்று பிரதேச செயலக வளாகத்தில் 2025.02.04 ஆம் திகதி காலை 8.30 மணிக்கு ஆரம்பமானது. பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் ஆரம்பமான இந்நிகழ்வில் பிரதேச செயலாளரினால் தேசிய கொடி ஏற்றப்பட்டு தேசிய கீதம் இசைக்கப்பட்டதுடன் நாட்டுக்காக உயிர் நீர்த்தவர்களுக்காக ஒரு நிமிட மௌன அஞ்சலியும் செய்யப்பட்டது. தொடர்ந்து பிரதேச செயலாளரினால் உத்தியோகத்தர்களுக்கு சுதந்திர தினம் பற்றியும் தற்போது நடைமுறைப்படுத்தப்படும் Clean Sri Lanka வேலைத் திட்டம் பற்றியும் உரை நிகழ்த்தப்பட்டது.

இந்நிகழ்வில் பிரதித் திட்டமிடல் பணிப்பாளர், நிருவாக உத்தியோகத்தர், நிருவாக கிராம உத்தியோகத்தர் உள்ளிட்ட பிரதேச செயலக உத்தியோகத்தர்கள் கலந்து கொண்டிருந்தனர்.
 

புலம்பெயர் தொழிலாளர் மற்றும் அவர்களின் குடும்பங்கள் தொடர்பான பாதுகாப்பான புலம்பெயர்வும் முன்னேற்றமும் தொடர்பான செயலமர்வு.

மேற்படி நிகழ்வானது நிருவாக உத்தியோகத்தர் தலைமையில் 30.01.2025 அன்று எமது பிரதேச செயலக மாநாட்டு மண்டபத்தில் காலை 9.30 மணிக்கு AMCOR நிறுவனத்தினால் நடாத்தப்பட்டது.

இந்நிகழ்வில் வெளிநாட்டு வேலை வாய்ப்பு அபிவிருத்தி உத்தியோகத்தர்கள் , கிராம அலுவலர்கள் , பொருளாதார அபிவிருத்தி உத்தியோகத்தர்கள் , சிறுவர் உரிமை மேம்பாட்டு உத்தியோகத்தர்கள் , உளவளத்துணையாளர்கள், நிவாரண சகோதரி மற்றும் ஏனைய அபிவிருத்தி உத்தியோகத்தர்கள் ஆகியோர் கலந்துகொண்டனர்.

2025 ஆம் ஆண்டின் கடமைச் செயற்பாடுகளை ஆரம்பிக்கும் நிகழ்வானது மண்முனைப்பற்று பிரதேச செயலக வளாகம் மற்றும் மண்முனைப்பற்று பிரதேச செயலக மாநாட்டு மண்டபத்தில் வருடத்தின் முதல் நாளான 2025.01.01 ஆம் திகதி புதன்கிழமை மு.ப 8.30 மணிக்கு அனைத்து உத்தியோகத்தர்களின் பங்கேற்புடன் ஆரம்பமானது.

மேற்படி நிகழ்வில் தேசிய கொடி ஏற்றல் மற்றும் தேசிய கீதம் இசைக்கப்பட்டதுடன் நாட்டுக்காக உயிர் நீத்த அனைவரையும் நினைவுகூறும் முகமாக இரு நிமிட மௌன இறை வணக்கம் மேற்கொள்ளப்பட்டது. மேலும் அனைத்து அரச உத்தியோகத்தர்களும் Clean Sri Lanka பிரஜைகளின் சத்தியப்பிரமாணம் மேற்கொண்டிருந்ததுடன் பிரதேச செயலாளர் திருமதி. தெட்சணகௌரி தினேஷ் அவர்களினால் தலைமையுரை நிகழ்த்தப்பட்டது. அத்துடன் உத்தியோகத்தர்கள் அனைவருக்கும் சிற்றுண்டிகள் வழங்கப்பட்டு இந்நிகழ்வானது இனிதே நிறைவுற்றது.

பிரதேச ஒருங்கிணைப்புக் குழுக்கூட்டம் - 2025.01.28 பிரதேச ஒருங்கிணைப்புக் குழுக்கூட்டம் - 2025.01.28

மண்முனைப்பற்று பிரதேச செயலாளர் பிரிவுக்கான பிரதேச ஒருங்கிணைப்பு குழுக்கூட்டம் மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் ஏற்பாட்டில் 2025.01.28 ஆம் திகதி செவ்வாய்க்கிழமை மு.ப 9.30 மணிக்கு பிரதேச ஒருங்கிணைப்புக் குழுத் தலைவர் கௌரவ கந்தசாமி பிரபு, பாராளுமன்ற உறுப்பினர் தலைமையில் நடைபெற்றது. இக்கூட்டத்தில் பாராளுமன்ற உறுப்பினர்களான கௌரவ வைத்தியர் இளையதம்பி சிறிநாத் அவர்களும் கௌரவ S.M.நளீம் அவர்களும் கலந்துகொண்டனர்.

மேலும் மண்முனைப்பற்று பிரதேச செயலக பிரதித் திட்டமிடல் பணிப்பாளர், கணக்காளர் , கிராம சேவகர்களுக்கான நிருவாக உத்தியோகத்தர் ,சமுர்த்தி தலைமை முகாமையாளர், பிரதேச செயலக உத்தியோகத்தர்கள் உட்பட பிரதேசத்தின் சகல திணைக்களங்களின் தலைவர்களும் அதிகாரிகளும் கலந்துகொண்டனர்.

மண்முனைப்பற்று பிரதேச செயலகமும் சமூக உள்வாங்கல் மாற்றுத்திறனாளிகள் அமைப்பும் இணைந்து நடாத்தும் சர்வதேச மாற்றுத்திறனாளிகள் தினம் "உள்ளடங்கலான மற்றும் நிலைபேறான எதிர்காலத்திற்காக அங்கவீனமுற்ற நபர்களின் தலைமைத்துவத்தை விரிவுபடுத்தல்" எனும் தொனிப்பொருளில் 2024.12.24 ஆம் திகதி செவ்வாய்கிழமை இன்று மு.ப 9.30 மணிக்கு மண்முனைப்பற்று பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் இடம்பெற்றது.

இந்நிகழ்வில் பிரதேச சபை செயலாளர், சமூக சேவை உத்தியோகத்தர், பிரதேச செயலக உத்தியோகத்தர்கள், புகலிட நிறுவனத்தின் பணிப்பாளர், உத்தியோகத்தர்கள், மாற்றுத்திறனாளிகள் சங்கத் தலைவர், செயலாளர், பொருளாளர் மற்றும் ஏனைய உறுப்பினர்கள் ஆகியோர் பங்குபற்றியிருந்தனர். இதன் போது மாற்றுத்திறனாளிகளின் கலைநிகழ்வுகள் இடம்பெற்றிருந்ததுடன் அவர்களுக்கு பரிசில்களும் வழங்கி வைக்கப்பட்டிருந்தமை குறிப்பிடத்தக்கது.