டெங்கு ஒழிப்பு தொடர்பான விசேட கலந்துரையாடல்  01.01.2020 ஆந் திகதி புதன்கிழமை பி.ப 12.00 மணிக்கு எமது பிரதேச செயலாளர் திருமதி.ந.சத்தியானந்தி அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

இதன்போது கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் மற்றும் ஏனைய திணைக்களங்களின் தலைவர்களும் கலந்துகொண்டு ஆக்கபூர்வமான கலந்துரையாடல் இடம்பெற்றது.

மண்முனைப்பற்று பிரதேச செயலக பிரிவிற்குட்பட்ட செல்வாநகர் மற்றும் செல்வாநகர் கிழக்கு ஆகிய கிராம உத்தியோகத்தர் பிரிவுகளில் வெள்ள அனர்த்தத்தினால் பாதிக்கப்பட்டவர்களுக்காக விரிப்புகள் (ரென்ட்) வழங்கிவைக்கப்பட்டன.

மண்முனைப்பற்று பிரதேச செயலாளர் திருமதி.ந.சத்தியானந்தி அவர்களது ஏற்பாட்டில் இடம்பெற்ற நிவாரணம் வழங்கும் நிகழ்வானது செல்வாநகர் கிழக்கு கிராம உத்தியோகத்தர் அலுவலகத்தில் இடம்பெற்றது.

இந்நிகழ்வில் மாவட்ட செயலாளரும் அரசாங்க அதிபருமாகிய திரு.மாணிக்கம் உதயகுமார் அவர்கள் கலந்துகொண்டு பாதிக்கப்பட்டவர்களுக்கான விரிப்புகளை வழங்கிவைத்தார்.

மட்டக்களப்பு மண்முனைப்பற்று பிரதேச செயலகத்தின் உத்தியோகத்தர்கள் இன்றையதினம் மலர்ந்துள்ள புத்தாண்டில் சுப நேரத்தில் உறுதிமொழியினை உரக்க கூறி தத்தமது கடமையினை ஆரம்பிக்கும் நிகழ்வு புதன்கிழமை 01.01.2020 பிரதேச செயலாளர் திருமதி.நமசிவாயம் சத்தியானந்தி அவர்களது தலைமையில் நடைபெற்றது.

இவ் ஆரம்ப நிகழ்வில் தேசியக்கொடி ஏற்றி தேசிய கீதம் இசைக்கப்பட்டு, நாட்டுக்காக உயீர்நீத்த வீரர்களுக்காக இருநிமிடம் மெளன அஞ்சலி செலுத்தி, அரசாங்க சேவை சத்தியப் பிரமாணம் இடம் பெற்றமை குறிப்பிடத்தக்கது.

பசுமை உற்பத்தித் திறன் தொடர்பாக பாடசாலை அதிபர்கள், ஆசிரியர்கள் மற்றும் மாணவர்களை தெளிவுபடுத்தும் செயலமர்வொன்று 02.12.2019 திங்கட்கிழமை மண்முனைப்பற்று பிரதேச செயலகத்தின் ஏற்பாட்டில் ஆரையம்பதியில் நடைபெற்றது.

மண்முனைப்பற்று பிரதேச செயலாளர் திருமதி நமசிவாயம் சத்தியானந்தி அவர்களது ஆலோசனைக்கு அமைவாக பிரதேச செயலக மாநாட்டு மண்டபத்தில் நடைபெற்ற இச் செயலமர்வினை உதவிப் பிரதேச செயலாளர் திருமதி.வி.லோகினி அவர்கள் கலந்து கொண்டு ஆரம்பித்து வைத்தார்.