ප්‍රාදේශීය ලේකම් කාර්යාලය - ආරයම්පති

மேற்படி விடயமானது கௌரவ சனாதிபதி அவர்களின் சிந்தனைக்கு அமைவாக Clean Sri Lanka எனும் தேசிய நிகழ்ச்சித்திட்டத்தின் கீழ் "சுத்தமான கடற்கரை கவர்ந்திழுக்கும் சுற்றுலாப்பயண முடிவிடம்" எனும் தொனிப்பொருளில் நடைமுறைப்படுத்தப்படும் திட்டத்தின் கீழ் எமது பிரதேச செயலக பிரிவுக்குட்பட்ட கரையோர பகுதிகளை சுத்தம் செய்யும் நிகழ்வானது கரையோரம் பேணல் திணைக்களம், கடல்சார் சூழலியல் பாதுகாப்பு அதிகார சபை, அரச, அரச சார்பற்ற நிறுவனங்களுடன் பிரதேச செயலக அனைத்து உத்தியோகத்தர்களின் பங்களிப்புடன் 16.02.2025 ஞாயிற்றுக்கிழமை காலை 7.00 மணிக்கு நடைபெற்றது.

குறித்த நிகழ்வானது ஆரையம்பதி கிழக்கு, பாலமுனை, புதுக்குடியிருப்பு, கிரான்குளம் வடக்கு, கிரான்குளம் தெற்கு ஆகிய 5 இடங்களில் குறித்த பகுதிக்குரிய கிராம அலுவலர்களின் ஒருங்கிணைப்பில் பிரதேச மக்களின் பங்களிப்புடன் நடைபெற்றது . இதில் பிரதான நிகழ்வாக புதுக்குடியிருப்பு கடற்கரையில் மண்முனைப்பற்று பிரதேச செயலாளர் திருமதி .தெட்சணகெளரி தினேஷ் அவர்களின் தலைமையில் குறித்த நேரத்திற்கு நடைபெற்றது. இந் நிகழ்வில் மண்முனைப்பற்று பிரதேச செயலக அலுவலர்கள்அனைவரும் கலந்து கொண்டனர்.

கண்ணப்ப நாயனார் குரு பூசை தினம் 09.02.2025

மண்முனைப்பற்று பிரதேச செயலகத்தின் வழிகாட்டலில் தாழங்குடா அன்னை சாரதா அறநெறி பாடசாலை மற்றும் சிவதொண்டர் திருக்கூடத்து இணைந்து நடாத்திய கண்ணப்ப நாயனார் குருபூசையானது தாழங்குடா -02 கிராம அலுவலர் பிரிவில் இடம்பெற்றது.
இந்நிகழ்வில் முதலில் தாழங்குடா -03 சந்திமாரியம்மன் ஆலயத்திலிருந்து பூசை, ஊர்வலத்துடன் ஆரம்பமாகி தாழங்குடா -02 சித்தி விநாயகர் ,கண்ணகியம்மன் ஆலயத்தை வந்தடைந்தது , தொடர்ந்து சிறப்பு சொற்பொழிவு ,பிரதம அதிதி உரை அத்துடன் இணைந்த வகையில் உருத்திராக்கம் அணிவித்தல், சான்றிதழ் , பரிசில்கள் வழங்கல் போன்ற நிகழ்வுகளும் இடம்பெற்றன. இறுதியாக அன்னதானம் வழங்கப்பட்டு நிகழ்வுகள் யாவும் இனிதே நிறைவு பெற்றன.

பிரதேச செயலக ஸ்ரீ சர்வ சித்தி விநாயகர் ஆலய சங்காபிஷேக நிகழ்வு - 2025.02.04

மண்முனைப்பற்று பிரதேச செயலக ஸ்ரீ சர்வ சித்தி விநாயகர் ஆலய சங்காபிஷேக நிகழ்வானது பிரதேச செயலாளர் திருமதி தெட்சணகௌரி தினேஷ் அவர்களின் ஆலோசனைக்கும் வழிகாட்டலுக்கும் அமைய 04.02.2025 அன்று செவ்வாய்க்கிழமை உத்தியோகத்தர்களின் ஒத்துழைப்புடன் சிறப்பான முறையில் இடம் பெற்றது.

நிகழ்வு 1 : பாற்குடபவனி

மண்முனைப்பற்று பிரதேச செயலக உத்தியோகத்தர்களால் ஏற்பாடு செய்யப்பட்ட பாற்குடபவனியானது ஆரையம்பதி செல்வாநகர் சிவன் ஆலயத்திலிருந்து பிரதான வீதியினூடாக ஸ்ரீ சர்வ சித்தி விநாயகர் ஆலயத்தினை வந்தடைந்தது.

நிகழ்வு 2 : ஆலய சங்காபிஷேக கிரியைகள்

சங்காபிஷேக கிரியைகள் யாவும் களுவாஞ்சிகுடி ஸ்ரீ மாணிக்கப்பிள்ளையார் ஆலய பிரதம குரு வேதாகம குருமணி கிரியா ஜோதி சாமஸ்ரீ தேசமான்ய சிவஸ்ரீ சண்முக மயூரவதனக் குருக்கள் அவர்களின் தலைமையில் நடைபெற்றது. சங்காபிஷேக கிரியைகளின் போது உதவிக் குருக்களாக ஸ்ரீ சர்வ சித்தி விநாயகர் ஆலய குரு சைவ நன்மணி சிவஸ்ரீ ஜெ.ஜெய்ப்பிரதாபன் சர்மா அவர்களும் ஆரையம்பதி வைத்தியசாலை ஸ்ரீ பழனி ஆண்டவர் ஆலய குரு சிவஸ்ரீ செ.சிந்துஜன் ஐயா அவர்களும் பங்கேற்றனர்.

நிகழ்வு 3 : அன்னதான நிகழ்வு

சங்காபிஷேக கிரியைகள் யாவும் நிறைவுற்றதும் ஆலய நிருவாகத்தினரால் அன்னதான நிகழ்வு ஏற்பாடு செய்யப்பட்டு வழங்கப்பட்டது.

WhatsApp Image 2025 02 05 at 10.23.59 AM

WhatsApp Image 2025 02 05 at 10.24.03 AM

WhatsApp Image 2025 02 05 at 10.24.10 AM

WhatsApp Image 2025 02 05 at 10.24.17 AM

WhatsApp Image 2025 02 05 at 10.24.18 AM

WhatsApp Image 2025 02 05 at 10.24.20 AM

WhatsApp Image 2025 02 05 at 12.54.13 PM

மண்முனைப்பற்று பிரதேச செயலக பொங்கல் விழா 2025

மண்முனைப்பற்று பிரதேச செயலக பொங்கல் விழா 07.02.2025 வெள்ளிக்கிழமை பிரதேச செயலாளர் திருமதி. தெட்சணகௌரி தினேஷ் அவர்களின் தலைமையில் திருநீற்றுக்கேணி ஸ்ரீ செல்வ விநாயகர் ஆலயத்தில் நடைபெற்றது.

முதல் நிகழ்வாக மண்முனைப்பற்று பிரதேச செயலக ஸ்ரீ சர்வ சித்தி விநாயகர் ஆலயத்தில் இருந்து திருநீற்றுக்கேணி ஸ்ரீ செல்வ விநாயகர் ஆலயத்திற்கு நெற் கதிர், பொங்கல் பொருட்கள் என்பன ஊர்வலமாக கொண்டு செல்லப்பட்டு திருநீற்றுக்கேணி ஸ்ரீ செல்வ விநாயகர் ஆலயத்தில் சூடடித்தல், நெல் குற்றுதல் ஆகிய நிகழ்வுகள் இடம்பெற்றன. புது அரிசி கொண்டு பிரதான பொங்கல் பானை செய்யப்பட்டது, ஒவ்வொரு கிளைக்கும் ஒவ்வொரு வகையான பொங்கல் வழங்கப்பட்டது.

தொடர்ந்து கலை நிகழ்வுகளின் வரிசையில் நிருவாக உத்தியோகத்தரினால் வரவேற்புரை மற்றும் பிரதேச செயலாளரினால் தலைமை உரை என்பன இடம்பெற்றதுடன் காளியம்மன் ஆலய பிரதம குரு விஸ்வப்பிம்மஸ்ரீ கிருபைரெத்தினம் சர்வேஸ்வரன் ஐயா அவர்களின் சிறப்பு சொற்பொழிவு, நடனம், வில்லுப்பாட்டு, உழவர் பாடல், போன்ற நிகழ்வுகள் இடம்பெற்றன. தொடர்ந்து ஸ்ரீ செல்வ விநாயகருக்கு பதினொரு வகையான பொங்கல் படைக்கப்பட்டு பூஜை இடம்பெற்றதுடன் நிகழ்வுகள் யாவும் இனிதே நிறைவு பெற்றன.