2025/2026 ஆண்டுக்கான விவசாய நடவடிக்கைகள் தொடர்பான பொருளாதாரத் தொகை மதிப்பீட்டுக்கான மண்முனைப்பற்று பிரதேச செயலக கணக்கெடுப்பு உத்தியோகத்தர்களுக்கான பயிற்சி நெறியானது மண்முனைப்பற்று பிரதேச செயலக மாநாட்டு மண்டபத்தில் 17.09.2026ஆம் திகதி காலை 9.30மணிக்கு இடம்பெற்றது.
இதன் போது மட்டக்களப்பு மாவட்டத்தில் இச்செயற்பாட்டை முறையாக முன்னெடுப்பதற்கான ஆரம்பக்கட்ட கலந்துரையாடல் மற்றும் தொழில்நுட்பப் பயிற்சிகள் வழங்கப்பட்டதுடன் பயிர்ச்செய்கை, கால்நடை மற்றும் நீர்வாழ் உயிரினங்கள் தொடர்பான புள்ளிவிபரங்களைத் திரட்டுவதற்கான TAB பயன்பாடு மற்றும் தரவு சேகரிப்பு முறைகள் குறித்தும் உத்தியோகத்தர்களுக்கு பயிற்சி அளிக்கப்பட்டது.
இந்நிகழ்விற்கு வளவாளர்களாக மாவட்ட செயலக புள்ளி விபரவியல் உத்தியோகத்தரான ஜனாப்.M.I.M.அசீஸ் , புள்ளி விபரவியல் அபிவிருத்தி உத்தியோகத்தரான திரு.பி.பிரசன்னா மற்றும் மண்முனைப்பற்று பிரதேச செயலக புள்ளி விபரவியல் உத்தியோகத்தர் திரு.K.தேவேந்திரன் ஆகியோர் கலந்துகொண்டனர்.
மேலும் பயிற்சிநெறியைப்பெற்றுக்கொள்ளும் உத்தியோகத்தர்களாக கிராம உத்தியோகத்தர்கள் மற்றும் சமூக வலுவூட்டல் அபிவிருத்தி உத்தியோகத்தர்கள் ஆகியோர் கலந்து கொண்டனர்.
